جو لوگ انتشار اور بدامنی پھیلانے کی کوشش کر رہے ہیں وہ نہ قوم کے خیر خواہ ہیں، عزت اللہ امان بگٹی

جمعہ 4 اپریل 2025 22:40

ظ*سوئی(اُردو پوائنٹ اخبارتازہ ترین - آن لائن۔ 04 اپریل2025ء) چیئرمین میونسپل کمیٹی سوئی عزت اللہ امان بگٹی نے واضح کیا ہے کہ بگٹی قوم ہر حال میں ریاست پاکستان، افواج پاکستان اور ریاستی اداروں کے شانہ بشانہ کھڑی ہے۔ انہوں نے کہا کہ بگٹی قبیلہ نہ ماضی میں کسی علیحدگی پسند بیانیے کا حصہ تھا، نہ آج ہے، اور نہ کبھی ہوگا اپنے جاری ایک بیان میں عزت اللہ امان بگٹی نے نوابزادہ گوہرام بگٹی اور سردار اختر مینگل کے ریاست مخالف بیانیے کو مسترد کرتے ہوئے کہا کہ جو لوگ انتشار اور بدامنی پھیلانے کی کوشش کر رہے ہیں وہ نہ قوم کے خیر خواہ ہیں اور نہ ہی ریاست کے وفادار ہیں چئیرمین عزت امان بگٹی نے وزیر اعلی بلوچستان میر سرفراز بگٹی کی قیادت پر مکمل اعتماد کا اظہار کرتے ہوئے کہا کہ وزیر اعلی بلوچستان کے ویژن اور جرات مندانہ فیصلوں نے صوبے میں امن و ترقی کا نیا سفر شروع کیا ہے جو قابل تحسین ہے ان کی ریاست سے وفاداری اور دہشت گردی کے خلاف واضح مقف نے بلوچستان کے عوام کو نئی امید دی ہے چیئرمین سوئی نے ریاستی اداروں سے مطالبہ کیا کہ جو عناصر ملک دشمن تنظیموں خصوصا بی ایل اے جیسے دہشت گرد گروہوں کے حق میں ریلیاں نکال کر ریاست کو چیلنج کر رہے ہیں ان کے خلاف قانون کے مطابق سخت کارروائی کی جائے انہوں نے کہا کہ وقت آ چکا ہے کہ ریاست اپنی رٹ قائم کرے اور ایسے عناصر کو قانون کے کٹہرے میں لا کر کیفر کردار تک پہنچائے انہوں نے کہا کہ ہمارے لیے پاکستان سب سے پہلے ہے اور باقی تمام چیزیں اس کے بعد آتی ہیں۔

(جاری ہے)