کوٹری اسٹیشن کے قریب علامہ اقبال ایکسپریس کو حادثہ، آخری بوگی ٹریک سے اترگئی

ہفتہ 5 اپریل 2025 17:15

کوٹری (اُردو پوائنٹ اخبارتازہ ترین - این این آئی۔ 05 اپریل2025ء)صوبہ سندھ کے شہر کوٹری کے ریلوے اسٹیشن کے قریب علامہ اقبال ایکسپریس حادثے کا شکار ہوگئی، ٹرین لاہور سے کراچی آرہی تھی۔

(جاری ہے)

میڈیارپورٹ کے مطابق کوٹری اسٹیشن کے قریب علامہ اقبال ایکسپریس کو حادثہ پیش آیا ہے، لاہور سے کراچی آنے والی علامہ اقبال ایکسپریس کی آخری بوگی کمپلین ٹوٹنے سے ٹریک سے اتر گئی تاہم حادثے میں کوئی جانی نقصان نہیں ہوا۔

پولیس اور ریلوے حکام کے مطابق علامہ اقبال ایکسپریس کی بوگی پٹڑی سے اترنے کے بعد ڈاؤن ٹریک متاثر ہوگیا، ٹرینوں کو حیدرآباد اسٹیشن پر روک لیا گیا ہے۔ریلوے انتظامیہ ک یمطابق مرمتی جاری ہے، کام مکمل ہونے میں 2 سے 3 گھنٹے لگیں گے، جس کے بعد ٹرینوں کی آمدو رفت بحال ہوجائے گی۔