ٓعظمیٰ بخاری نے بانی پی ٹی آئی کی بہنوں کی گرفتاری سے متعلق خبروں کو سختی سے مسترد کر دیا

علیمہ خان اور ان کے ساتھی بغیر کسی دباوکے خود ہی پولیس وین میں بیٹھے اور خواجہ سروس اسٹیشن پہنچ کر ازخود وین سے اتر گئے،صوبائی وزیر اطلاعات

منگل 8 اپریل 2025 20:10

iلاہور(اُردو پوائنٹ اخبارتازہ ترین - آن لائن۔ 08 اپریل2025ء) وزیر اطلاعات پنجاب عظمیٰ بخاری نے بانی پی ٹی آئی کی بہنوں کی گرفتاری سے متعلق خبروں کو سختی سے مسترد کر دیا ہے۔انہوں نے واضح کیا کہ پنجاب پولیس نے نہ تو علیمہ خان اور نہ ہی کسی دوسری خاتون کو گرفتار کیا ہے۔علیمہ خان اور ان کے ساتھی بغیر کسی دباوکے خود ہی پولیس وین میں بیٹھے اور خواجہ سروس اسٹیشن پہنچ کر ازخود وین سے اتر گئے۔

علیمہ خان اور دیگر خواتین نے پنجاب پولیس کی گاڑی سے "اوبر سروس" حاصل کی۔وزیر اطلاعات نے مزید کہا کہ سوشل میڈیا اور فوٹیج کے ذریعے عوام کے سامنے اس "ڈرامہ بازی" کی حقیقت کھل کر سامنے آچکی ہے۔ فسادی ٹولے کا یہ سب کچھ بانی پی ٹی آئی سے جھوٹی ہمدردیاں سمیٹنے کے لیے ایک فلاپ شو تھا۔

(جاری ہے)

سابق خاتون اول بشریٰ بی بی نے جیل میں بی کلاس کی سہولیات کے باوجود مزید سہولتوں کا مطالبہ کیا ہے۔

ان کا کہنا تھا کہ بانی پی ٹی آئی شاہانہ انداز میں جیل کاٹ رہے ہیں اور ان کے حمایتی اڈیالہ جیل کے باہر محض "رنگ بازی" کر رہے ہیں۔تحریک انصاف کے کارکن خود اپنی قیادت کی فسادی سیاست سے تنگ آچکے ہیں۔ ایک طرف معافیاں مانگتے ہیں، دوسری طرف سازشیں کرتے ہیں۔ پہلے کارکن سڑکوں پر ذلیل ہوتے تھے جبکہ لیڈرشپ انقلاب فرام ہوم لاتی تھی، مگر اب یہ سلسلہ ختم ہو چکا ہے۔