Live Updates

تحریک انصاف میں قیادت کا مسئلہ چل رہا ہے، آغا رفیع اللہ

علیمہ خان سیاسی لیڈر نہیں،وہ عمران خان کے ایماپر باہر آکر بیان دیتی ہیں، ہمایوںمہمند، انٹرویو

جمعرات 10 اپریل 2025 15:57

اسلام آباد(اُردو پوائنٹ اخبارتازہ ترین - این این آئی۔ 10 اپریل2025ء)پیپلزپارٹی کے رہنما آغا رفیع اللہ نے کہا ہے تحریک انصاف میں مسئلہ چل رہا ہے، اس کی قیادت کون کرے گا نجی ٹی وی سے گفتگو کرتے ہوئے کہاکیا گوہر، سلمان اکرم،عمرایوب، زرتاج گل، جنید اکبر یا عمران خان کی بہنیں قیادت کریں گے، خان صاحب سے مخصوص ٹولے کو ملنے دیا جاتا ہی.انھوں نے چیئرمین کو نکال دیا کہ باقی لوگ کہاں ہیں،سلمان اکرم کوبھیجیں، اس لیے کارکنوں کو تحفظات ہیں اور وہ الجھن کا شکار ہیں، پی ٹی آئی کے پارلیمانی رہنما سیاسی انگیجمینٹ چاہتے ہیں، اداروں سے مزاحمت نہیں، ہم نے حکومت سے صاف صاف کہہ دیا جب تک نہروں کا مسئلہ حل نہیں ہوتا، کسی بل پر ساتھ نہیں دیں گے، یہ کالاباغ ڈیم جیسا مردہ گھوڑا ہے، سندھ نہیں رہتا تو ریاست کہاں کی تحریک انصاف کے سینیٹر ہمایوں مہمند نے کہاعمران خان سے جب میری ملاقات ہوئی تھی تو عدالتی احکامات کے برخلاف دولوگوں کو نہیں ملنے دیا گیا۔

(جاری ہے)

ہماری جماعت میں اختلاف رائے ہے،ہمارالیڈر پابند سلاسل ہے، علیمہ خان سیاسی لیڈر نہیں،وہ عمران خان کے ایماء پر باہر آکر بیان دیتی ہیں۔مسلم لیگ ن کے سینیٹر افنان اللہ خان نے کہا سیاستدان جب جیلوں میں جاتے ہیں تو انھیں سیاسی طریقے سے ہی چلنا چاہیے، علیمہ خان کو اس لیے روکا گیا کیونکہ وہ باہر سیاسی بات کرتی ہیں، جو سزایافتہ اور جیل میں ہے، وہ کالم نہیں لکھ سکتا، یہ کون سی جمہوریت میں ہوتا ہے کہ میں جیت جاؤں تو ٹھیک ورنہ اسٹیبلشمینٹ مجھے دوتہائی اکثریت دلائے ورنہ میں نہیں مانوں گا اور آگ لگاو?ں گا، ہم ایسا کوئی کام نہیں کریں گے جو سندھ کے خلاف ہو، کالا باغ ڈیم اس لیے نہیں بنا کیونکہ ہم نے بھی اس کی حمایت نہیں کی ورنہ وہ بن جاتا ہے۔