مسئلہ فلسطین کو قومی سطح پر اجاگر کر کے عالمی سطح پر حل کرنے کیلئے مسلم ممالک اپنا بھرپور کردار ادا کریں،علماء ومشائخ

سرگودھا(اُردو پوائنٹ اخبارتازہ ترین - این این آئی۔ 11 اپریل2025ء)سرگودھا کے علما و مشائخ نے غزہ فلسطین میں اسرائیلی کی کھلی برابریت کی پرزور مذمت کرتے ہوئے کہا کہ اسلامی ممالک کا اتحاد اور فلسطین سے مکمل اظہار یکجہتی وقت کی اہم ضرورت ہے جو اسلامی بلاک کی طرف پیش قدمی ثابت ہو گا اس لئے مسئلہ فلسطین کو قومی سطح پر اجاگر کر کے عالمی سطح پر حل کرنے کے لئے مسلم ممالک اپنا بھرپور کردار ادا کریں۔

انہوں نے کہا کہ دہشت گردی، مہنگائی، سودی نظام، بلاجواز ٹیکسوں کے خاتمہ سے ملک میں ترقی اور خوشحالی کی راہیں ہموار ہوں گئیں جس کے لئے پوری قوم آج افواج پاکستان اور اداروں کے ساتھ کھڑی ہے۔زرائع کے مطابق جمعیت اشاعت اہلسنت والسنہ کے صوبائی نائب امیر علامہ محمد عطا اللہ بندیالوی، مرکزی جمعیت اہلحدیث پنجاب کے سرپرست اعلی علامہ سید محمد سبطین شاہ نقوی، انٹرنیشنل ختم نبوت پنجاب کے صدر قاری احمد علی نریم، قومی امن کمیٹی برائے بین المذاہب ہم آہنگی کے ضلعی صدرمفتی شاہد مسعود،چیئرمین حافظ وقاص قاسمی،مرکزی اتحاد العلما کیضلعی جنرل سیکرٹری مولانا ملک ضیا الحق،ضلعی سیکرٹری اطلاعات شیخ نعیم طاہر، ضلعی کنونئیر قاری عبدالوحید،متحدہ علما کونسل کے قاری وقار احمد عثمانی ،امیر افضل اعوان، مسجد رابعہ کے خطیب پروفیسر مولانا فضل الحق بندیالوی،مسجد حامد علی شاہ کے مولانا نگاہ مصطفے چشتی،جامع مسجد شمشیر ٹان کے خطیب مولانا انعام اللہ جلالی اوردیگر علما و مشائخ نے غزہ فلسطین میں نہاتے مسلمان بھائیوں پر اسرائیل کی کھلی بربریت کی پرزور مذمت کرتے ہوئے کہا کہ اسلامی ممالک کا اتحاد اور فلسطینوں سے اظہار یکجہتی وقت کی اہم ضرورت ہے جس میں مسلم ممالک کے عملی کردار سے اسلامی بلاک کی جانب پیش قدمی ثابت ہو گا اس لئے اسلامی ممالک مکمل اتحاد کا مظاہرہ کرتے ہوئے فلسطین کے مسئلہ کو قومی اجاگر کر کے عالمی سطح پر حل کروائیں تو اسلام دشمن سازشیں دم توڑ جائیں گئیں۔

(جاری ہے)

انہوں نے تحفظ ناموس رسالت اور عظمت صحابہ آرڈیننس پر سختی سے عمل درآمد کو یقینی بنانے اور قران وسنت کے تابع نظام شریعت کے فل الفور نفاذ کے لئے قانون سازی پر زور دیتے ہوئے کہا کہ دہشتگردی، مہنگائی، سودی نظام اور ٹیکسوں کے خاتمہ پر ملک خوشحالی اور ترقی کی راہ پر گامزن ہو گا۔اس لئے ہر پاکستانی پر زمہ داری عائد ہوتی ہے کہ وہ توحید و سنت کے پرچار کے ساتھ غیر اسلامی رسومات کو ترک کر کے نونہالان وطن کو دنیاوی تعلیم کے ساتھ دینی تعلیم کی طرف راغب کریں تودنیا و آخرت میں کامیاب و کامران سے مستفید ہوں گے۔

انہوں نے کہا کہ ملک سے دہشتگردی کیخاتمہ کے لئے پوری قوم افواج پاکستان اور اداروں کے شانہ بشانہ کھڑی ہے۔اس موقع پر ملک میں امن وامان اور بھائی چارے کے ساتھ اسلام کی سربلندی، ملک کی سلامتی، فلسطین و کشمیر کی آزادی اورامت مسلمہ و شہیدا فلسطین کے لئے خصوصی دعائیں کی گئیں۔