کراچی میں میٹرک امتحانات، کے الیکٹرک کا امتحانی مراکز میں بجلی کی صورتحال کا جائزہ

امتحانی مراکز میں بجلی کی بلاتعطل فراہمی کیلئے اقدامات کر رہے ہیں،ہیڈ آف ڈسٹری بیوشن ہمایوں صغیر

جمعہ 11 اپریل 2025 18:02

کراچی (اُردو پوائنٹ اخبارتازہ ترین - این این آئی۔ 11 اپریل2025ء)کے الیکٹرک حکام نے کراچی میں جاری نویں اور دسویں جماعتوں کے امتحانات کے دوران بجلی کی فراہمی کے انتظامات کا جائزہ لینے کے لئے کراچی کے اسکولوں کا دورہ کیا اور بورڈ آ ف سیکنڈری ایجوکیشن کراچی سے امتحانی مراکز کی تفصیلات حاصل کیں۔

(جاری ہے)

ہیڈ آف ڈسٹری بیوشن آپریشنز شیخ ہمایوں صغیر کا کہنا ہے کہ فہرست ملی تو ٹیمیں متحرک ہوگئیں، امتحانی مراکز میں بجلی کی بلاتعطل فراہمی کیلئے اقدامات کر رہے ہیں۔

اس س قبل بورڈ چیئرمین نے امتحانی مراکز کی لسٹ کے الیکٹرک کو ارسال کی، جس میں کے الیکٹرک کو صبح 9:30 سے 12:30 اور شام 2:30 سے 5:30 بجے تک لوڈشیڈنگ روکنے کی ہدایت کی گئی تھی۔چیئرمین بورڈ نے طلبہ کے مفاد میں فوری اقدام کی اپیل کی تھی۔ امتحانی مراکز کے اطراف دفعہ 144 نافذ ہے۔