ش*راناثنا ء اللہ اگر بات چیت کرنا چاہتے ہیں تو ویلکم کرتے ہیں، شرجیل میمن

/ ہم نے ان سے رابطہ کرنے کی بہت کوشش کی، وزیراعلٰی سندھ نے بھی کوشش کی اور وفاق کو خطوط لکھے ہیں،صوبائی وزیر اطلاعات کا رانا ثناء اللہ کے بیان پر ردعمل

ہفتہ 19 اپریل 2025 23:05

اسلام آباد (اُردو پوائنٹ اخبارتازہ ترین - آن لائن۔ 19 اپریل2025ء)مشیر وزیراعظم رانا ثنا اللہ کے بیان پر وزیراطلاعات سندھ شرجیل میمن کا ردِ عمل سامنے آ گیا، شرجیل انعام میمن نے کہا کہ راناثنا ء اللہ اگر بات چیت کرنا چاہتے ہیں تو ویلکم کرتے ہیں، ہم کینالوں پر بات چیت کرنے کے لیے تیار ہیں۔ میڈیا سے گفتگو کرتے ہوئے شرجیل انعام میمن نے کہا کہ میں نے رانا ثنا اللہ کا بیان دیکھا ہے اس میں وہ دو چیزیں ہیں، ایک تو وہ جو ٹیکنیکل بات کر رہے ہیں اس میں پیپلز پارٹی کا مؤقف بالکل واضح ہے کہ ان کینال سے نہ صرف پیپلز پارٹی کو بلکہ سندھ کی حکومت اور عوام کو سنگین خدشات ہیں۔

مشیر وزیراعظم رانا ثنا اللہ کے بیان پر وزیراطلاعات سندھ نے گفتگو کرتے ہوئے کہا کہ دوسری چیز یہ کہ اگر رانا ثنا اللہ بات چیت کرنا چاہتے ہیں تو ہم ویلکم کرتے ہیں، ہم کینالوں پر بات چیت کرنے کے لیے تیار ہیں۔

(جاری ہے)

شرجیل انعام میمن نے یہ بھی کہا کہ ہم نے ان سے رابطہ کرنے کی بہت کوشش کی، وزیراعلٰی سندھ نے بھی کوشش کی اور وفاق کو خطوط لکھے ہیں۔ چیئرمین پیپلز پارٹی واضح پالیسی دے چکے ہیں اور کل بھی انھوں نے حیدر آباد جلسے سے خطاب میں کہا تھا۔صوبائی وزیر سندھ نے مزید گفتگو کرتے ہوئے کہا کہ وفاقی حکومت کی جانب سے پیپلزپارٹی سے بات چیت کو مثبت لے رہے ہیں، ہم اپنا مؤقف ہر فورم پر اٹھا رہے ہیں۔ سندھ حکومت اس معاملے پر بات کرنے کیلئے تیار ہے۔