وزیر مملکت طلال چوہدری کا جڑانوالہ ٹریفک حادثہ میں جاں بحق12 افراد کے لواحقین سے اظہار تعزیت

منگل 22 اپریل 2025 15:59

مکوآنہ (اُردو پوائنٹ اخبارتازہ ترین - این این آئی۔ 22 اپریل2025ء)وزیر مملکت برائے داخلہ امور طلال چوہدری جڑانوالہ ٹریفک حادثہ میں جاں بحق ہونیوالے ایک ہی خاندان کے 12 افراد کے گھر گئے اور لواحقین سے تعزیت اور افسوس کا اظہار کیا۔

(جاری ہے)

تفصیلات کے مطابق وزیر مملکت داخلہ طلال بدر چوہدری پیر کو موضع سید پور کے ٹریفک حادثہ میں جاں بحق ہونیوالے افراد کے گھر گئے اور سوگوار خاندان سے تعزیت کی۔ وزیر مملکت نے وزیر اعظم میاں محمد شہباز شریف اور وزیر اعلیٰ پنجاب مریم نواز شریف کی جانب سے بھی اظہار تعزیت کیا۔ انہوں نے مرحومین کی ارواح کے ایصال ثواب کیلئے فاتحہ خوانی کی۔ اہل خانہ و سوگواران نے وزیر مملکت کو حادثہ اور حادثہ کے بعد پیش آنے والی صورتحال سے آگاہ کیا۔