میں نہیں سمجھتا کہ ایٹمی ہتھیار استعمال کرنے کی کوئی نوبت آئے گی

اسلام آباد ( اردوپوائنٹ اخبار تازہ ترین۔ آئی پی اے ۔ 24 اپریل 2025ء ) وزیردفاع خواجہ آصف نے کہا ہے کہ میں نہیں سمجھتا کہ ایٹمی ہتھیار استعمال کرنے کی کوئی نوبت آئے گی، ہمارے پاس نان نیوکلیئر ہتھیار بھی کم نہیں وہ بھی بھرپور صلاحیت رکھتے ہیں۔ انہوں نے اے آروائی نیوز کے پروگرام میں گفتگو کرتے ہوئے کہا کہ طالبان بھارتی ایجنٹ ہیں اور ان کا اسلام سے کوئی تعلق نہیں، بی ایل اے بھی بھارت نواز جماعت ہے جو وہاں سے فنڈز حاصل کرتی ہے ، میں نہیں سمجھتا کہ ایٹمی ہتھیار استعمال کرنے کی کوئی نوبت آئے گی، ہمارے پاس نان نیوکلیئر ہتھیار بھی کم نہیں وہ بھی بھرپور صلاحیت رکھتے ہیں،ابھی نندن کو چائے پلانے کیلئے بھی ہم نان نیوکلیئرہتھیار استعمال کئے تھے۔

اسی طرح قومی سلامتی کمیٹی کے اجلاس کے بعد وزیردفاع خواجہ آصف نے وزیر خارجہ اسحاق ڈار اور رہنماؤں و حکام کے ہمراہ پریس کانفرنس کرتے ہوئے بھارت کو خبردار کیا کہ پاکستان میں دہشتگرد واقعات میں بھارت ملوث ہے، بی ایل اے جو دہشتگردی کر رہی ہے اور جو افغانستان سے ہورہا ہے اس سب میں بھارت کا ملوث ہونا نظر آتا ہے۔

(جاری ہے)

اگر بھارت نے کوئی ایڈونچر کیا تو پاکستان اپنے دفاع میں کسی بین الاقوامی دباؤ کو خاطر میں نہیں لائے گا۔

مزید برآں وزیر دفاع خواجہ آصف کا کہنا ہے کہ ابھی نندن یاد ہوگا، بھارت نے ایڈوانچر کیا تو بھرپور جواب دیں گے، افواج پاکستان، ایئرفورس بھرپور دفاعی صلاحیت رکھتی ہیں، پاکستان کی خواہش ہے کہ صورتحال نارمل ہو،میڈیا سے گفتگو کرتے ہوئے وزیر دفاع نے کہا کہ بھارتی اقدامات پر پاکستان کی جانب سے جامع جواب دیاجائےگا۔ پاکستان بطور ریاست کے طورپرپہلگام واقعے کی مذمت کرتا ہے۔

بھارت ایسے واقعات کو جواز بنائے گا تو ہم بھی اس کا بھرپورجواب دیں گے۔انہوں نے کہا کہ افواج پاکستان نے بھارت کو 4 سال پہلے بھی جواب دے کر اپنا لوہا منوایا۔ وزیردفاع خواجہ آصف نے بھارتی کو خبردارکرتے ہوئے کہا کہ اگر انہوں نے ایڈونچر کیا تو ابھی نندن کے وقت کی طرح جواب دیں گے۔ان کا یہ بھی کہنا تھا کہ افواج پاکستان نے بھارت کو 4 سال پہلے بھی جواب دے کر اپنا لوہا منوایا۔

قومی سلامتی کمیٹی اجلاس میں سندھ طاس معاہدہ سرفہرست رہے گا۔ سندھ طاس معاہدے میں ورلڈ بینک ضامن ہے۔ بھارت سندھ طاس معاہدے پر یکطرفہ فیصلے نہیں کرسکتا۔ وزیر دفاع خواجہ آصف کا مزید کہنا تھا کہ جس طرح ابھی نندن کوپکڑکرجواب دیا، ہم آج بھی اسی پوزیشن میں ہیں۔بھارت جیسا دشمن ہو تو ہم ہر وقت الرٹ رہتے ہیں۔ بھارتی حکومت پرجنگی جنون سوار ہے لیکن پاکستانیت کی بات ہوتوپاکستانی متحد ہوجاتے ہیں۔

افواج پاکستان،ایئرفورس بھرپوردفاعی صلاحیت رکھتی ہیں۔ پاکستان کی خواہش ہے کہ صورتحال نارمل ہوہم کسی قسم کی کشیدگی نہیں چاہتے۔ پاکستان میں دہشت گردوں کے سہولت کارکون ہیں سب کو پتا ہے۔ بلوچستان،کےپی میں دہشت گردی ہورہی ہے اس میں کون ملوث ہے یہ بھی سب کوپتاہے۔ بھارت ہمارے خلاف اقدامات کرےگا توہم بھرپورجواب دیں گے۔ بھارت پہلگام واقعے پر دوسروں پر الزام دھرنے کے بجائے خود احتسابی کرے۔ تفتیش کر کے ذمہ داروں کو تلاش کرے۔