Live Updates

سندھ رینجرز اور پولیس کی مشترکہ کارروائی ،رینجرز اہلکار کے قتل میں ملوث ملزم گرفتار

گرفتار ملزم عیسی عرف بسم اللہ سہراب گوٹھ ، جمالی گوٹھ، سپر ہائی وے اور گردو نواح کے علاقوں میں ڈکیتی کی متعد دوارداتوں میں ملوث رہا ہے

جمعہ 25 اپریل 2025 15:45

کراچی (اُردو پوائنٹ اخبارتازہ ترین - این این آئی۔ 25 اپریل2025ء)پاکستان رینجرز (سندھ)اور پولیس انویسٹی گیشن برانچ نے خفیہ معلومات کی بنیاد پرمشترکہ کارروائی کرتے ہوئے کراچی کے علاقہ سہراب گوٹھ سے رینجرزا ہلکار ظہیر الدین کے قتل میں ملوث ملزم عیسی عرف بسم اللہ کو گرفتار کر لیا۔ گرفتار ملزم عیسی عرف بسم اللہ اپنے ساتھی سعید عرف طور خان کے ہمراہ کراچی کے علاقے سہراب گوٹھ ، جمالی گوٹھ، سپر ہائی وے اور گردو نواح کے علاقوں میں ڈکیتی کی متعد دوارداتوں میں ملوث رہا ہے۔

ملزم کے قبضے سے واردات میں استعمال ہونے والا اسلحہ و ایمونیشن بھی برآمد کر لیا گیا۔ تفصیلات کے مطابق مورخہ 30 مارچ 2025 کو چھٹی پر گھر آئے ہوئے اہلکار ظہیر الدین کو سہراب گوٹھ کے علاقہ فتح محمد گبول گوٹھ میں نامعلوم موٹر سائیکل سوار ملزمان نے دوران ڈکیتی مزاحمت پر فائرنگ کر کے شہید کر دیا تھا اور ملزمان موقع سے فرار ہو گئے تھے۔

(جاری ہے)

جس کا مقدمہ تھانہ سہراب گوٹھ میں مورخہ 31 مارچ 2025 کوشہیداہلکار ظہیر الدین کے بھائی کی مدعیت میں درج کیا گیا تھا۔

وقوعہ کے فوری بعد ایس ایس پی انویسٹیگیشن کی سربراہی میں پاکستان رینجرز (سندھ)اور پولیس کی مشتر کہ ٹیم تشکیل دی گئی جس نے انٹیلی جنس معلومات کی بنیاد پرملزمان کی گرفتاری کے لیے تھانہ سہراب گوٹھ کی حدود میں چھاپہ مارا تو ملزمان نے رینجرز اور پولیس پارٹی پر فائرنگ کر دی۔جوابی فائرنگ کے نتیجے میں ایک ملزم عیسی عرف بسم اللہ زخمی حالت میں گرفتار کر لیا جبکہ ملزم کا دوسر ا ساتھی سعید عرف طور خان تاریکی کا فائدہ اٹھاتے ہوئے موقع سے فرار ہو گیا۔

ملزم کی گرفتاری کے لیے چھاپے مارے جا رہے ہیں۔ دوران تفتیش ملزم نے اپنے مفرور ساتھی سعید عرف طور خان کے ہمراہ ڈکیتی مزاحمت پر اہلکار ظہیر الدین کو فائرنگ کر کے شہید کرنے کا اعتراف کیا ہے۔گرفتار ملزم کو بمعہ اسلحہ و ایمونیشن مزید قانونی کارروائی کیلئے پولیس کے حوالے کر دیا گیا ہے۔ عوام الناس سے اپیل ہے کہ، ایسے جرائم پیشہ عناصر کے بارے میں اطلاع فوری طور پر قریبی رینجرز چیک پوسٹ، رینجرز مدد گار بذریعہ واٹس ایپ نمبر 0347900111 یار نجبر ز ہیلپ لائن 1101 پر کال کریں نیا ایس ایم ایس کے ذریعے دیں، آپ کا نام صیغہ راز میں رکھا جائے گیا۔