Live Updates

غ*رول آف لاء پر یقین رکھتے ہیں،ملک کاسب سے بڑا مسئلہ عدالتی نظام ہے، اسد قیصر

عدلیہ کو مفلوج کر دیا گیا اگر عدلیہ آزاد نہ ہوا تو ملک نہیں چل سکتے،یوم تاسیس کی تقریب سے خطاب

جمعہ 25 اپریل 2025 18:45

=اسلام آباد(اُردو پوائنٹ اخبارتازہ ترین - آن لائن۔ 25 اپریل2025ء)پاکستان تحریک انصاف کی29 ویں یوم تاسیس کے موقع پر سابق اسپیکر قومی اسمبلی اور بانی رکن پاکستان تحریک انصاف اسد قیصر نے خطاب کرتے ہوئے کہا کہ پاکستان تحریک انصاف ایک طویل جدوجہد کا نام ہے۔ پارٹی کی بنیاد انصاف کے نظام کے قیام کے لیے رکھی گئی۔ 2011 میں پارٹی نے ڈرون حملوں کے خلاف دھرنا دیا۔

پاکستان تحریک انصاف رول آف لاء پر یقین رکھتی ہے۔ انہوں نے کہا کہ ہم ایسا عدالتی نظام چاہتے ہیں جس پر پوری قوم کو اعتماد ہو۔ آج پاکستان کا سب سے بڑا مسئلہ یہ ہے کہ عدالتی نظام سے پورے ملک کا اعتماد اٹھ چکا ہے۔ عدلیہ کو مفلوج کر دیا گیا اگر عدلیہ آزاد نہ ہوا تو ملک نہیں چل سکے۔ مرکزی راہنما اسد قیصر نے کہا کہ عدلیہ کو کہنا چاہتا ہوں کہ آپ آزاد فیصلے کریں پورا ملک آپ کے ساتھ کھڑا ہے۔

(جاری ہے)

کسی کے کہنے یا کسی سے ڈیکٹیشن لے کر فیصلہ نہ کریں پوری قوم آپ کی طرف دیکھ رہی ہے۔ اسد قیصر نے بھارت کے ساتھ کشیدگی اور بھارتی جارحیت پر مودی کو مخاطب کرتے ہوئے کہا کہ مودی جی! کشمیر اور ہندوستان میں مسلمانوں کے ساتھ آپ نے ظلم کی انتہا کر دی اور آپ کو کوئی غلط فہمی ہے کہ ہماری آپس میں کوئی تقسیم ہے تو یہ آپ کو غلط مہمی ہے۔ ہمارے آپس میں اختلافات بھی ہونگے اور لڑائیاں بھی ہونگی اور ہم اپنے حق کے لیے لڑیں گے مگر ملک پاکستان کے دفاع کے لیے ہم سب ایک ہیں۔

پاکستان کا سب مقبول لیڈر عمران خان ہے ان کو ناحق قید میں رکھا گیا ہے۔ ان کے جیل میں ہونے کے باوجود ہم پاکستانی اپنے ملک کے دفاع کے لیے سیسہ پلائی دیوار بن کر سامنے کھڑے ہونگے اور ہر دشمن کا منہ توڑ جواب دیں گے۔انہوں نے کہا کہ مودی نے سندھ طاس معاہدہ ختم کر کے عملا جنگ کا اعلان کیااسد قیصر نے کہا کہ ملک میں آئین اور قانون کی جدوجہد جاری رکھیں گے اور ملک کو حقیقی معنوں میں قائداعظم کا پاکستان بنائیں گے۔