دریائے سندھ سے نہریں نکالنے کے خلاف وکلا کے دھرنے جاری، سندھ اور پنجاب کیدرمیان گڈز ٹرانسپورٹ بند

شدید گرمی کے باعث مشکلات کا سامنا‘ گاڑیوں میں موجود سامان بھی خراب ہونے لگا ہے، ٹرانسپورٹرزکااظہارتشویش

اتوار 27 اپریل 2025 12:05

سکھر(اُردو پوائنٹ اخبارتازہ ترین - این این آئی۔ 27 اپریل2025ء) دریائے سندھ سے نہریں نکالنے کے منصوبے کے خلاف سندھ میں مختلف مقامات پر وکلا کے دھرنے جاری ہیں۔تفصیلات کے مطابق دریائے سندھ سے نہریں نکالنے کے منصوبے کے خلاف خیر پور میں ببرلو بائی پاس پر وکلا کا دھرنا دسویں روز میں داخل ہوگیا ہے۔

(جاری ہے)

ببرلو بائی پاس سمیت دیگر مقامات پر جاری دھرنوں کے باعث سندھ اور پنجاب کے درمیان گڈز ٹرانسپورٹ مکمل بند ہے جس کی وجہ سے اشیائے خورونوش اور دیگر اشیا کے ٹرک اور ٹریلر پھنس گئے۔

اس حوالے سے ٹرانسپورٹز کا کہنا ہے کہ شدید گرمی کے باعث مشکلات کا سامنا ہے جبکہ گاڑیوں میں موجود سامان بھی خراب ہونے لگا ہے۔دوسری جانب وزیرداخلہ سندھ ضیای الحسن لنجار نے ببرلو بائے پاس پر دھرنا ختم کرنیکی درخواست کرتے ہوئے کہا کہ پورے ملک کے لوگوں کو دھرنے کے باعث پریشانی کا سامنا ہے۔وزیرداخلہ سندھ کا مزید کہنا تھا کہ دھرنے کے شرکا پرطاقت کے استعمال کاکوئی آپشن زیرغورنہیں ہے۔