Live Updates

صدر آصف علی زرداری کا سیکیورٹی فورسز کو شمالی وزیرستان میں افغانستان سے دراندازی ناکام بنانے پر خراج تحسین

اتوار 27 اپریل 2025 19:10

اسلام آباد (اُردو پوائنٹ اخبارتازہ ترین - اے پی پی۔ 27 اپریل2025ء) صدر مملکت آصف علی زرداری نے شمالی وزیرستان میں افغانستان سے دراندازی ناکام بنانے پر سیکیورٹی فورسز کو خراج تحسین پیش کیا ہے - اتوار کو ایوان صدر کے پریس ونگ کی طرف سے جاری بیان کے مطابق صدر مملکت نے فتنۃ الخوارج کے دہشت گردوں کے خلاف بروقت کارروائی کرتے ہوئے 54 دہشتگردوں کو جہنم واصل کرنے پر سیکیورٹی فورسز کو سراہا۔

(جاری ہے)

صدر مملکت نے کارروائی کے دوران 54 خوارج کا قلع قمع کرنے پر سیکیورٹی فورسز کی بہادری کی تعریف کی اور کہا کہ پاکستان کی بہادر سیکیورٹی فورسز ملکی سرحدوں کی حفاظت کے لیے ہمہ وقت تیار ہیں۔ صدر مملکت نے کہا کہ دہشتگردوں کی جانب سے دراندازی ناکام بنانا بڑی کامیابی ہے۔ صدر مملکت نے دہشت گردی کے مکمل خاتمے، ملکی سرحدوں کی حفاظت کے عزم کا اعادہ کیا -