Live Updates

پہلگام واقعہ پر ایک اور بھارتی خاتون مودی سرکار پر سیخ پا،سوالات کے بوچھاڑ کر دیئے

پیر 28 اپریل 2025 22:06

نئی دہلی (اُردو پوائنٹ اخبارتازہ ترین - آن لائن۔ 28 اپریل2025ء)پہلگام فالس فلیگ/ بھارتی عوام مودی کیخلاف جاگ اٹھیں،میڈیا رپورٹس کے مطابق ایک اور بھارتی خاتون مودی سرکار پر سیخ پا ہو گئی، سوالات کے بوچھاڑ کر دیئے،بھارتی خاتون کا کہنا تھا کہ پہلگام حملے کو روکنے میں ناکامی پر مودی سرکار سے ابھی تک کوئی استعفی کیوں نہیں آیا ،آپ پاکستان کا پانی روکنے کے دعوے کر رہے ہیں، آپ نے ابھی تک دہشتگردوں کو کیوں نہیں پکڑا، جوبھارتی ہندو مسلم کا راگ الاپ رہا ہے اور مسلمانوں کو دہشتگرد کہہ رہا ہے اسے تاریخ کا جائزہ لینا چاہئے، بھارتی عوام بیوقوف نہیں ہے، میرا سوال ہے کہ کیا 1984 میں سکھوں کا قتل عام مسلمانوں نے کیا تھا۔

(جاری ہے)

مسلمانوں کو جے شری رام کا نعرہ نہ لگانے پر ہندوؤں نے قتل کر دیا، کیا یہ دہشتگردی نہیں تھی بات بات پر اسلام اور مسلمانوں کو مورد الزام ٹھہرانا انتہائی غلط ہے، مودی سرکار کیوں پریس کانفرنس نہیں کرتی کہ کشمیریوں کا کوئی قصور نہیں ، کشمیری طلباء کو کیوں نشانہ بنایا جا رہا ہے،مودی نے کشمیریوں کو نہیں کشمیر کو اپنا مانا ہے، پہلگام حملے میں ملوث لوگوں کو پکڑنے کی بجائے مودی اپنے ہی لوگوں کر لڑوا رہا ہے۔