Live Updates

خالصتان تحریک کے رہنما گرپتونت سنگھ پنوں کا پاکستان کے ساتھ اظہار یکجہتی

پیر 28 اپریل 2025 23:09

واشنگٹن (اُردو پوائنٹ اخبارتازہ ترین - این این آئی۔ 28 اپریل2025ء)خالصتان تحریک کے رہنما گرپتونت سنگھ پنوں نے پاکستان کے ساتھ اظہار یکجہتی کرتے ہوئے کہا ہے کہ بھارتی اقلیتوں بالخصوص سکھوں پر مظالم سب پر عیاں ہیں۔ کشمیرمیڈیاسروس کے مطابق گرپتونت سنگھ پنوں نے ایک بیان میں کہا کہ ہم پاکستانی عوام کے ساتھ اینٹ کی طرح کھڑے ہیں، یہ نہ تو 1965 ہے نہ 1971یہ 2025ہے۔

انہوں نے کہا کہ ہم بھارتی فوج کو پنجاب سے گزر کر پاکستان پر حملہ نہیں کرنے دیں گے ۔

(جاری ہے)

گرپتونت سنگھ پنوں نے کہاکہ پاکستان کا نام ہی پاک ہے، ہم 2 کروڑ سکھ پاکستان کے ساتھ کھڑے ہیں، بھارت کی اتنی ہمت نہیں کہ وہ پاکستان پر حملہ کرے۔انہوں نے کہاکہ ہماری روایت ہے کہ نہ ہم نے کبھی پہلے حملہ کیا ہے نہ پہلے حملہ کریں گے، جس نے بھی حملہ کیا پھر وہ بچا نہیں، پھر چاہے اندرا گاندھی ہو نریندر مودی ہو یا امیت شاہ۔گرپتونت سنگھ پنوں نے کہا کہ ہم مودی ، اجیت ڈول، امیت شاہ اور جے شنکر کو عالمی قوانین کے تحت کٹہرے میں کھڑا کریں گے ۔ سکھ رہنمانے کہاکہ پہلگام میں انہوں نے اپنے ہی ہندوئوں کو خود مار دیا، اس حملے کا مقصد سیاست اور ووٹ کا حصول ہے۔