/وزیر ہاؤسنگ ،اربن ڈویلپمنٹ اینڈ پبلک ہیلتھ انجینئرنگ بلال یاسین کی زیر صدارت واسا پنجاب کی کارکردگی بارے اجلاس

۹واسا لاہور، گوجرانوالا ، فیصل آباد ، راولپنڈی اور ملتان میں جاری اسکیموں اور مقررہ اہداف بارے آگاہ کیا گیا

پیر 28 اپریل 2025 20:25

ض*لاہور (اُردو پوائنٹ اخبارتازہ ترین - آن لائن۔ 28 اپریل2025ء) وزیر ہاؤسنگ ، اربن ڈویلپمنٹ اینڈ پبلک ہیلتھ انجینئرنگ بلال یاسین کی زیر صدارت واسا پنجاب کی کارکردگی بارے اجلاس ہوا،واسا لاہور، گوجرانوالہ ،فیصل آباد ، راولپنڈی اور ملتان میں جاری اسکیموں اور مقررہ اہداف بارے آگاہ کیا گیا،گزشتہ 10 سالوں میں زیادہ سے زیادہ ریکارڈ کی گئی بارشوں کا جائزہ لیا گیا اور نکاسی آب جلد ممکن بنانے بارے مزید سفارشات طلب کی گئیں، صوبائی وزیر بلال یاسین نے تمام واساز کو مون سون سیزن سے قبل تیاریوں کو حتمی شکل دینے کی ہدایت کی،ان کا مزید کہنا تھا کہ ضلعی انتظامیہ ، بجلی تقسیم کار اور صفائی کمپنیوں سے کوآرڈی نیشن اور شکایات سنٹرز کو فعال رکھا جائے،علاوہ ازیں واسا لاہور کو اندرون شہر سمیت تمام ڈرینز کی ڈی سلٹنگ مہم فوری شروع کرنے کی ہدایت کی گئی، گرمی کی شدت کے پیش نظر واسا حکام پانی کے اوقات کار میں اضافہ یقینی بنائیں، راولپنڈی میں پانی کی فراہمی کا دورانیہ بڑھانے کیلئے تجاویز کا جائزہ لیتے ہوئے کہا کہ چہان ڈیم کی تعمیر سے صورتحال میں واضح بہتری آئے گی، واسا کا دائرہ کار مزید اضلاع تک پھیلانے اور کپیسٹی بلڈنگ بارے تجاویز بھی زیر غور لائی گئیں،اجلاس میں ایڈیشنل سیکرٹری ٹیکنیکل عمر فاروق ، ڈی ایم ڈی واسا لاہور اور چیف انجینئرز بھی شریک تھے۔