Live Updates

دشمن نے سرحد پار کرنے یا جنگ مسلط کرنے کی کوشش کی گئی تو بھرپور جواب دیں گے

چین سعودی عرب سمیت مختلف ممالک کوجنگ کا خطرہ ٹالنے کیلئے ششیں کررہے ہیں ، دو چار دن کچھ ہونا ہوا تو جائے گا ورنہ خطرہ ٹل جائے گا۔ وزیردفاع خواجہ ٓصف کا برطانوی خبررساں ایجنسی کو انٹرویو

ثنااللہ ناگرہ پیر 28 اپریل 2025 21:24

دشمن نے سرحد پار کرنے یا جنگ مسلط کرنے کی کوشش کی گئی تو بھرپور جواب ..

اسلام آباد ( اردوپوائنٹ اخبار تازہ ترین۔ آئی پی اے ۔ 28 اپریل 2025ء ) وزیردفاع خواجہ ٓصف نے کہا ہے کہ دشمن نے سرحد پار کرنے یا جنگ مسلط کرنے کی کوشش کی گئی تو بھرپور جواب دیں گے، چین سعودی عرب سمیت مختلف ممالک کوجنگ کا خطرہ ٹالنے کیلئے ششیں کررہے ہیں۔ انہوں نے برطانوی خبررساں ایجنسی کو انٹرویو دیتے ہوئے کہا کہ بھارت کی جانب سے حملے کا خطرہ ہے جبکہ پاکستان ہائی الرٹ ہے، دونوں ایٹمی طاقتوں کے درمیان کشیدگی بڑھ رہی ہے، سرحد پار کرنے یا جنگ مسلط کرنے کی کوشش کی گئی تو بھرپور جواب دیں گے،جو اقدامات لینے چاہئئے تھے وہ اقدامات لے لئے گئے ہیں، تینوں مسلح افواج ملک کی سلامتی کیلئے مکمل تیار ہیں، چین سعودی عرب سمیت مختلف ممالک کوششیں کررہے ہیں کہ خطرہ ٹل جائے۔

دو چار دن کچھ ہونا ہوا تو جائے گا ورنہ خطرہ ٹل جائے گا۔

(جاری ہے)

بھارت کی کسی بھی ممکنہ کاروائی کا جواب دینے کی تیاری کرلی ہے۔ بھارت کی جانب سے اشتعال انگیز بیانات آرہے ہیں۔ بھارت سے پہلگام واقعے کی غیرجانبدار تحقیقات کا مطالبہ کرتے ہیں۔ مزید برآں وزیردفاع خواجہ آصف نے ایکس پر اپنے ردعمل میں کہا کہ میرا انسٹاگرام اکاؤنٹ انڈیا کی درخواست پر بلاک کر دیا گیا ہے، یہ ہمارے بیانئیے کے سچ کی فتح ہے۔

اس سے قبل وزیردفاع خواجہ آصف نے کہا کہ سرحد پار کرنے یا جنگ مسلط کرنے کی کوشش کی گئی تو بھرپور جواب دیں گے، جو اقدامات لینے چاہئئے تھے وہ اقدامات لے لئے گئے ہیں، تینوں مسلح افواج ملک کی سلامتی کیلئے مکمل تیار ہیں۔ انہوں نے کہا کہ چین سعودی عرب سمیت مختلف ممالک کوششیں کررہے ہیں کہ خطرہ ٹل جائے، دو چار دن کچھ ہونا ہوا تو جائے گا ورنہ خطرہ ٹل جائے گا۔

مزید برآں وزیر دفاع خواجہ محمد آصف نے خبردار کیا ہے کہ بھارت کی جانب سے کسی بھی جارحیت کا بھرپور اور منہ توڑ جواب دیا جائے گا۔ گزشتہ روز نجی ٹی وی سے گفتگو کرتے ہوئے کہا کہ پاکستان اپنی خودمختاری اور سلامتی کے تحفظ کے لیے تمام ضروری اقدامات کرے گا۔انہوں نے یقین دلایا کہ حکومت تمام سیکورٹی ایجنسیوں کے ساتھ مل کر صورتحال پر کڑی نظر رکھے ہوئے ہے ، اگر بھارت نے کوئی اشتعال انگیز قدم اٹھایا تو پاکستان سختی سے جواب دے گا۔