ڈسٹرکٹ سینٹرل میں بلاول بھٹو زرداری کو خراج تحسین پیش کرنے کے لیے اظہار تشکر کی ریلی

منگل 29 اپریل 2025 03:50

کراچی(اُردو پوائنٹ اخبارتازہ ترین - این این آئی۔ 29 اپریل2025ء) پاکستان پیپلز پارٹی ڈسٹرکٹ سینٹرل کے زیر اہتمام ایک عظیم الشان اظہار تشکر ریلی نکالی گئی، جس کی قیادت ڈسٹرکٹ سینٹرل کے صدر سردار خان نے کی۔

(جاری ہے)

ریلی میں جنرل سیکریٹری شہزاد مجید، انفارمیشن سیکریٹری اسد حنیف، تمام سٹی ایریا کے عہدیداران، ممبرز سندھ کونسل، ذیلی ونگز کے تمام عہدیداران، چیئرمین، وائس چیئرمین،کونسلرز اور بڑی تعداد میں جیالوں نے بھرپور شرکت کییہ ریلی چیئرمین پاکستان پیپلز پارٹی بلاول بھٹو زرداری کی جانب سے کینال پانی کی سندھ میں چوری کو روکنے کے تاریخی اقدام پر ان کی قیادت کو خراج تحسین پیش کرنے کے لیے نکالی گئی۔

شرکا نے جوش و خروش کے ساتھ بلاول بھٹو زرداری کی عوامی خدمت اور سندھ کے حقوق کے تحفظ کے لیے کی گئی کاوشوں پر مکمل اعتماد کا اظہار کیا۔ریلی کے شرکا نے بینرز اور پلے کارڈز اٹھا رکھے تھے جن پر چیئرمین بلاول بھٹو زرداری کے حق میں نعرے درج تھے۔ریلی کے اختتام پر صدر سردار خان نے اپنے خطاب میں کہا کہ سندھ کے وسائل کی حفاظت ہماری اولین ترجیح ہے اور ہم چیئرمین بلاول بھٹو زرداری کی قیادت میں عوامی حقوق کے لیے اپنی جدوجہد جاری رکھیں گے۔