Live Updates

سندھ طاس معاہدے کی معطلی سے پاکستان ،بھارت میں آبی تنا ئوبڑھنے کا خدشہ ہے‘فنانشل ٹائمز

منگل 29 اپریل 2025 19:10

لاہور(اُردو پوائنٹ اخبارتازہ ترین - این این آئی۔ 29 اپریل2025ء)پہلگام فالس فلیگ کے بعد بھارت کے سندھ طاس معاہدے کی معطلی کے یکطرفہ فیصلے کو عالمی سطح پرشدید تنقید کا سامنا ہے اورمعروف عالمی جریدے فنانشل ٹائمز نے مودی سرکار کے اس اقدام کو علاقائی سلامتی کیلئے سنگین خطرہ قرار دیا ہے ۔فنانشل ٹائمز کی رپورٹ میں کہا گیا ہے کہ سندھ طاس معاہدے کی معطلی سے پاکستان اور بھارت میں آبی تنا ئوبڑھنے کا خدشہ ہے ۔

(جاری ہے)

پانی کی سکیورٹی پر کشیدگی میں اضافہ متوقع ہے، سندھ طاس معاہدے کے طویل المدتی استحکام کو خطرہ لاحق ہو گیا، معاہدے کی معطلی کے دونوں ممالک پر منفی اثرات پڑ سکتے ہیں ۔رپورٹ میں کہا گیا ہے کہ بھارت کو یکطرفہ اقدامات پر نظرثانی کرنی چاہیے،ماحولیاتی خطرات بڑھ رہے ہیں ، یکطرفہ اقدامات بھارت کی اپنی آبی سکیورٹی کے لیے بھی نقصان دہ ہیں،ماضی میں تنازعات کے باوجود سندھ طاس معاہدہ امن کی بنیاد رہا ہے۔