Live Updates

’’میرے مزدور اس دور کے کوہ کن‘‘

صنعتی مزدوروں کیلئے 84ارب روپے کا مجموعی پیکج ، وزیراعلیٰ مریم نوازنے پاکستان کی تاریخ کا سب سے بڑا راشن کارڈ لانچ کر دیا وزیراعلیٰ مریم نوازشریف کا سرگودھا اور قصور کے سوشل سیکورٹی ہسپتال ،رحیم یارخان میں 50بیڈز کے سوشل سیکورٹی ہسپتال کا سنگ بنیاد ․ورکرز کیلئے پنجاب کے پہلے مریم نواز ویلنس سنٹر ، ورکرز کیلئے 200 بیڈز کے کارڈیک سٹی ، ورکرز کیلئے ٹیلی کلینکس پراجیکٹ کا آغاز

منگل 29 اپریل 2025 21:05

لاہور(اُردو پوائنٹ اخبارتازہ ترین - این این آئی۔ 29 اپریل2025ء)صنعتی مزدوروں کے لئے 84ارب روپے کا مجموعی پیکج ، وزیراعلیٰ پنجاب مریم نوازشریف نے پاکستان کی تاریخ کا سب سے بڑا راشن کارڈ لانچ کر دیا۔ مریم نواز شریف راشن کارڈ کے ذریعے سوشل سیکورٹی ورکروں اور کانکنوں کو 3ہزار ماہانہ سبسڈی ملے گی ۔’’ جے ایس بینک زندگی‘‘ کارڈکے ذریعے ڈیجیٹل کیش، ٹرانسفر ، ایڈوانس سیلری اور لیبرڈے پر انعامات حاصل کر سکیں گے۔

’’جے ایس بینک زندگی‘‘ کارڈ میں دیگر سہولیات کے علاوہ اضافی کیش بینیفٹ اور انشورنس بھی فراہم کی جائے گی۔مریم نواز راشن کارڈ کے ذریعے ورکر اور کان کن مزید 13 فوائد اور سہولتیں حاصل کرسکیں گے ۔ وزیراعلیٰ مریم نوازشریف نے ورکرز کے متعدد پراجیکٹس کا افتتاح اور سنگ بنیاد رکھا دیا۔

(جاری ہے)

وزیراعلیٰ مریم نوازشریف نے سرگودھا اور قصور کے سوشل سیکورٹی ہسپتال ،رحیم یارخان میں 50بیڈز کے سوشل سیکورٹی ہسپتال کا سنگ بنیاد رکھ دیا ہے۔

وزیراعلیٰ مریم نواز شریف نے ورکرز کیلئے پنجاب کے پہلے مریم نواز ویلنس سنٹر ، ورکرز کے لئے 200 بیڈز کے کارڈیک سٹی کا بھی سنگ بنیاد رکھ دیا ہے۔ وزیراعلیٰ مریم نواز شریف نے صوبہ بھر میں ورکرز کیلئے ٹیلی کلینکس پراجیکٹ کا بھی آغاز کر دیا ہے۔ وزیراعلیٰ مریم نوازشریف نے ٹیکسلا لیبر کالونیز اور ورکرز ویلفیئر کمپلیکس سندر اسٹیٹ کا افتتاح کیا۔

لیبر کالونی وار برٹن اور لیبر کالونی ملتان فیز 2 کاسنگ بنیاد بھی رکھ دیا ۔ وزیراعلیٰ مریم نوازشریف نے ورکرز کے لئے موٹر سائیکل اور سولر پینل کیلئے قرعہ اندازی بھی کی۔ وزیراعلیٰ مریم نوازشریف ایکسپو سنٹر میں منعقدہ تقریب میں ورکرز کے ساتھ بیٹھ گئیں اور ورکرز سے بات چیت کی۔ وزیراعلیٰ مریم نوازشریف نے کام کے حالات،اجرت اور سہولتوں کے بارے میں دریافت کیا۔

صوبائی وزیر محنت ملک فیصل کھوکھر نے خطاب میں لیبر ڈیپارٹمنٹ کے بارے میں آگاہ کیا ۔صوبائی وزیر فیصل ایوب کھوکھر نے بتایا کہ فیکٹریوں میں خواتین ورکرز کے لئے مزید 300 ڈے کئیر سینٹر بنائے جا رہے ہیں۔وزیر معدنیات شیر علی گورچانی نے کان کنوں کے لئے اقدامات سے آگاہ کرتے ہوئے بتایا کہ شفافیت کی پالیسی کے تحت معدنیات کی نیلامی ای۔ اکشن کے ذریعے ہوتی ہے۔راشن کارڈ کی تقریب میں ہزاروں ورکرز نے شرکت کی۔