بھارت کا جھوٹ دنیا کے سامنے ایکسپوز ہوچکا،رانا مشہود خان

اتوار 4 مئی 2025 15:05

ٹیکسلا (اُردو پوائنٹ اخبارتازہ ترین - این این آئی۔ 04 مئی2025ء)وزیرِ اعظم یوتھ پروگرام کے چیئرمین رانا مشہود احمد خان نے کہا ہے کہ بھارت کا جھوٹ دنیا کے سامنے ایکسپوز ہو چکا ہے۔میڈیا سے گفتگو کرتے ہوئے انہوں نے کہا کہ پہلگام حملے پر وزیرِ اعظم نے انڈیپینڈنٹ کمیشن بنانے کی بات کی تھی۔رانا مشہود خان نے کہا کہ کشمیر میں 75 سال سے عوام کے ساتھ ظلم و زیادتی کی جارہی ہے، بھارت میں تمام اقلیتوں کے ساتھ ظلم ہو رہا ہے۔

(جاری ہے)

انہوں نے کہا کہ آج بھارت کا مکروہ چہرہ دنیا کے سامنے آگیا ہے، کشمیر پر سودے بازی کی گئی تھی اب یہ مقدمہ ہم لڑیں گے، کشمیر کو اس کا اسٹیٹس واپس دلانے کا وقت ہے۔مسلم لیگ (ن )کے رہنما نے کہا کہ پاکستان کے موقف کو عالمی سطح پر تسلیم کیا جا رہا ہے، مودی کی 7 لاکھ فوج کہاں تھی جب پہلگام واقعہ ہوا، واقعے کی ایف آئی آر 10 منٹ بعد درج ہوگئی لیکن کوئی ریاستی ادارہ وہاں نہیں پہنچا۔انہوںنے کہاکہ پانی پاکستان کی ریڈ لائن ہے، آبی جارحیت برداشت نہیں کریں گے، آبی معاہدوں پر دنیا ساتھ کھڑی نہ ہوئی تو ہم اپنا حق لینا جانتے ہیں، بھارت نے اگر آبی جارحیت کی تو اندر گھس کر انہیں ماریں گے۔

Facebook Twitter Google + Share on Whatsapp

بھارت کا جھوٹ دنیا کے سامنے ایکسپوز ہوچکا،رانا مشہود خان

متعلقہ عنوان :

مزید قومی خبریں