کراچی کے منچلوں نے تفریح کے لیے اپنا پہلا مسکن نادرن بائی پاس مویشی منڈی کو بنالیا

کراچی والے سنڈے کو فنڈے منانے نادرن بائی پاس پہنچ گئے،ایک سے ایک خوبصورت جانورکی انٹری نے مویشی دوست منڈی کی رونق بڑھادیں اس بار کراچی کی مشہور فوڈ چینز مویشی دوست منڈی کی زینت بنیں گی، فیملیز کے ساتھ آنے کی اجازت ہوگی، شہری بلاخوف وخطر مویشی منڈی آئیں اور انجوائے کریں، ایڈمنسٹریٹر شہاب علی

اتوار 4 مئی 2025 19:30

کراچی(اُردو پوائنٹ اخبارتازہ ترین - این این آئی۔ 04 مئی2025ء)کراچی کے شہری سنڈے کو فنڈے منانے کے لیے ناردرن بائی پاس مویشی دوست منڈی پہنچ گئے،شہر قائد کے منچلوں کی بڑی تعداد نے مویشی دوست منڈی کو تفریح کا پوائنٹ بنارکھا ہے، مارشیلنگ ایریا سیقربانی کے جانوروں سے ٹرکوں کی آمد کا سلسلہ بھی زور پکڑ چکا ہے، ہزاروں کی تعداد میں گائے، بیل، بچھڑے، بچھیا،اونٹ اور بکرے مویشی منڈی کی زینت بنتے جارہے ہیں،خوبصورت جانوروں سے لدے ٹرک مختلف بلاکس میں اتارے جارہے ہیں،پنجاب، بلوچستان، سندھ کے شہروں سیآنے والے ہزاروں مویشی وی وی آئی پی،وی آئی پی، پنجاب، سندھ، کے پی کے، کشمیر۔

کے ناموں سے قائم وی وی آئی پی ،وی آئی پی اور جنرل بلاکس میں اپنا ڈیرا جما رہے ہیں، سندھ کے شہروں نواب شاہ، کنڈیارو، ہالانی،کندھ کوٹ، جیکب آباد،کشمور،قاضی احمد، خیر پور ، پنجاب کے شہروں۔

(جاری ہے)

شیخوپورہ، ملتان، وہاڑی، شیخوان، علی پور،احمد پور شرقیہ، بلوچستان کے شہر سبی،لہڑی سمیت کراچی کے مختلف فارمز سے بھی خوبصورت رنگ و نسل کے جانور مویشی منڈی پہنچے ہیں، کوہ مری،لاڑی اور تھری نسل کے اونٹ ، ٹاکری اور گلابی نسل بکروں کے بلاکس بھی قائم کیے جاچکے ییں،بلوچستان کے علاقے لہڑی سیآنے والا بیوپاری علیم ابڑو 21 قربانی کے جانور ،کنڈیارو سے بیوپاری ذیشان ساہیوال اور گلابی نسل کے 27 جانور اور نواب شاہ سے بیوپاری طارق میمن پنجابی نسل کے 37 جانور اور نوشہروفیروز سے بیوپاری منور علی 5 ٹرکوں پر لدے قربانی کیخوبصورت جانور لے کر نادرن بائی پاس مویشی منڈی پہنچا ہے،ایڈمنسٹریٹر مویشی دوست منڈی نادرن بائی پاس شہاب علی نے میڈیا سے گفتگو کرتے ہوئے کہا کہ کراچی والوں کو مویشی دوست منڈی میں ایک نیا رنگ دیکھنے کو ملے گا، کراچی کی مشہور فوڈ چینز مویشی منڈی فوڈ اسٹریٹ کی زینت بنیں گی جہاں صرف فیملی کے ہمراہ جانے کی اجازت ہوگی، شہاب علی نے بتایا کہ پارکنگ فیس آدھی کردی یے،شہری کار کے 3200 اور موٹرسائیکل کا پاس 1500 میں مہینے بھر کا بنواسکتے ہیں،، مارشلنگ ایریا سے جانور کی انٹری کے وقت بڑیجانور کی فیسس 4 ہزار لی جارہی ہے جس کے عوض بیوپاریوں کو 24 گھنٹے سیکورٹی ،بجلی ، چارے اور پانی کی سہولت ہے، فی جانور روزانہ 30 لیٹر پانی فری کردیا گیا ہے،شہری بلا خوف وخطر فیملی کیہمراہ نادرن بائی پاس مویشی دوست منڈی آئیں اور انجوائے کریں،انہوں نے کہا کہ کراچی کے شہری قربانی کے جانوروں کے بڑے دلدادہ ہیں، جوش وجذبے کے ساتھ تہوار منانا صرف کراچی والے ہی جانتے ہیں، 24 گھنٹے جانوروں کے اسٹالز کی بکنگ کا سلسلہ جاری ہے