Live Updates

پی ایس ایل 10، لیگ مرحلے کے صرف 5 میچز رہ گئے

پوائنٹس ٹیبل پر کوئٹہ گلیڈی ایٹرز 11 پوائنٹس کے ساتھ سر فہرست ‘ اسلام آباد یونائیٹڈ اور ملتان سلطان کے خلاف میچ باقی

بدھ 7 مئی 2025 16:40

پی ایس ایل 10، لیگ مرحلے کے صرف 5 میچز رہ گئے

لاہور(اُردو پوائنٹ اخبارتازہ ترین - این این آئی۔ 07 مئی2025ء)پاکستان سپر لیگ (پی ایس ایل) سیزن 10 میں لیگ مرحلے کے اب صرف 5 میچز رہ گئے ہیں، ٹیموں کے درمیان پلے آف مرحلے تک رسائی کی جنگ جاری ہے، البتہ ملتان سلطانز پلے آف کی دوڑ سے باہر ہو گئی ہے۔ پوائنٹس ٹیبل پر کوئٹہ گلیڈی ایٹرز 11 پوائنٹس کے ساتھ سر فہرست ہے، اس کے ابھی 2 میچز اسلام آباد یونائیٹڈ اور ملتان سلطان کے خلاف باقی ہیں۔

(جاری ہے)

اسلام آباد یونائیٹڈ 8 میچز میں 10 پوائنٹس کے ساتھ دوسرے نمبر پر ہے، کوئٹہ کے علاوہ اس کا دوسرا میچ کراچی کنگز سے ہونا ہے، کراچی کنگز نے بھی 8 میچز میں 10 پوائنٹس حاصل کیے ہیں۔اس کے میچز پشاور زلمی اور اسلام آباد یونائیٹڈ کے خلاف ہوں گے، لاہور قلندر اور پشاور زلمی اگر مگر کے چکر میں پھنسے ہوئے ہیں، لاہور قلندرز 9 میچز کھیل چکی ہے اور 9 پوائنٹس کے ساتھ چوتھا نمبر ہے اس کا آخری لیگ میچ پشاور زلمی سے ہے، جو جیتنا لازمی ہے۔پشاور زلمی جو کہ اس وقت 8 پوائنٹس کے ساتھ پانچویں نمبر پر ہے لیکن اس کے 2 میچز باقی ہیں، چھٹی ٹیم ملتان سلطان پہلے ہی پلے آف کی دوڑ سے باہر ہوچکی ہے۔