بھارت کے ڈرون حملوں کی شدیدمذمت کرتے ہیں،مرکزی کمیٹی ایم پی پی

کراچی (اُردو پوائنٹ اخبارتازہ ترین - این این آئی۔ 08 مئی2025ء) ایم پی پی (میری پہچان پاکستان)کی مرکزی کمیٹی نے کہا ہے کہ بھارت کے 25 سے زائد اسرائیلی ساختہ ڈرون حملوں کی شدیدمذمت کرتے ہیں۔ جنہیں جانباز پاکستانی فوج نے مار گرایا۔ والٹن لاہور ا راولپنڈی اسٹیڈیم کے قریب ور مختلف علاقوں میں بھارت کا ڈورن حملوں کا بزدلانہ عمل اسکی شکست خوردہ ذہنیت کا عکاس ہے۔

پاک فوج نے ڈرون گرا کر بھارت کو کرارا جواب دیا۔ اسرائیلی ڈرون کا استعمال بھارت کی مسلمانوں کے خلاف نفرت کی عکاسی ہے خوف میں مبتلا بھارت اب ڈرون دہشت گردی ک ر رہا ہے۔پاکستان نے ردعمل دیا تو بھارت کے چھکے چھوٹ جائیں گے۔ جہازوں کی تباہی کے بعد بزدل بھارت ڈرون حملوں پر آگیا۔ لیکن پاکستان ہر صورت حال کے لئے تیار ہے۔

(جاری ہے)

پاکستانی افواج کو سلام تحسین پیش کرتے ہیں۔

مرکزی کمیٹی نے کہا کہ اپنے جہازوں کا عبرت ناک انجام دیکھ کر ڈرون حملے کرنے والا بھارت اپنے انجام کی طرف بڑھ رہا ہے۔ ہم ڈورن حملوں سے شہید ہونے والے پاکستانیوں کے لئے دعائے مغفرت اور زخمیوں کے لئے دعائے صحت کرتے ہیں۔ بھارت بھونڈے طریقوں سے پاکستانی قوم کو خوف میں مبتلا نہیں کرسکتا۔ جہاں ڈرون گرتا ہے وہاں پاک فوج زندہ باد اور نعرہ تکبیر۔

اللہ اکبر کے نعرے قوم میں نیا جزبہ پیدا کر رہے ہیں۔ بھارت کے خلاف بین الاقوامی کمیونٹی کا ایکشن نہ لینا افسوس ناک ہے اگر پاکستان نے جو ناقابل تسخیر ہے اللہ کی تائید و نصرت سے ایکشن لیا تو پھر بھارت عبرت کا نشان بن جائے گا۔ ایم پی پی کا ایک ایک کارکن اور پاکستانی قوم فوج کے شانہ بشانہ ہے۔ بھارت یاد رکھے کہ افواج پاکستان کو عوام اور سیاسی قیادت کا مینڈیٹ حاصل ہے اور پاکستان بھارت کو جدید ٹیکنا لوجی سے بھی ایسی شکست دے گا کہ بھارت جنگی جنون بھول جائے گا۔

پورے پاکستان میں پاکستان زندہ باد اور پاک فوج پائندہ باد کے نعروں کی گونج سے قوم فوج کاحوصلہ بڑھا رہی ہے جو ہر دم تیار ہے اور انکے ڈرون حملوں کو ناکام بنا کر بھارت کو شکست دے چکا ہے۔ پاکستانی فوج شہادت کا جزبہ رکھتی ہے جبکہ بھارتی فوج موت سے ڈرتی ہے پاکستانی قوم نے بھی سروں پر کفن باندھ لیا ہے۔ بھارت شر انگیزی سے باز آجائے ورنہ ردعمل سنگین ہوگا۔ بین الاقوامی دنیا بیان بازی سے آگے بڑھے۔ پاکستان کو سخت ردعمل پر مجبور نہ کیا جائے۔