شفاعت علی نے مودی کی آواز میں آپریشن سندور کا پوسٹ مارٹم کردیا؛ ویڈیو وائرل

جمعرات 8 مئی 2025 21:40

لاہور(اُردو پوائنٹ اخبارتازہ ترین - آن لائن۔ 08 مئی2025ء) مزاحیہ اداکار اور مشہور شخصیات کی آواز کی ہوبہو نقل کے لیے شہرت رکھنے والے شفاعت علی کی ایک ویڈیو نے سوشل میڈیا پر تہلکہ مچادیا۔شفاعت علی نے انسٹاگرام پر جاری کی گئی ویڈیو میں مودی کی آواز میں آپریشن سندور کا پوسٹ مارٹم کردیا۔اداکار شفاعت علی نے مودی کی آواز میں کہا کہ آپریشن سندور کے لیے گئے تھے۔

پاکستان نے اسے ولیمہ بنادیا۔

(جاری ہے)

شفاعت علی نے مودی کی آواز میں مزید کہا کہ سندور ایک ایسا فیصلہ جو تاریخ بدلے گا اور بہار کے الیکشن جتوائے گا لیکن پاکستانی فورس نے ہمارا ولیمہ دیدیا۔شفاعت کے اس نئے کنٹیننٹ میں رافیل اور مگ طیاروں کے بارے میں مودی متفکر نظر آئے اور پاک فوج کے سپہ سالار عاصم منیر کی تعریف بھی کی۔سوشل میڈیا صارفین نے اس پوسٹ پر لکھا کہ ہم پہلے ہی آپ کی اداکاری کے فن کے قدردان تھے۔

آپ نے اس ویڈیو میں مودی کے سچے جذبات کی عکاسی کی ہے۔یاد رہے کہ بھارت نے پہلگام حملے کی آڑ میں پاکستان پر بزدلانہ حملہ کیا ہے جس میں 31 افراد شہید اور 71 زخمی ہوگئے۔جس کے جواب میں پاکستان کی بہادر شاہینوں نے بھارت کے 5 طیاروں کو مار گرایا جن میں حال ہی میں فرانس سے خریدے گئے 3 جدید ترین رافیل طیارے بھی شامل ہیں۔