ایکسائز اہلکار بن کر شہری کی شارٹ ٹرم کڈنیپنگ، 3 ملزمان کی درخواستِ ضمانت مسترد

جمعرات 8 مئی 2025 21:10

کراچی(اُردو پوائنٹ اخبارتازہ ترین - این این آئی۔ 08 مئی2025ء)سندھ ہائی کورٹ نے ایکسائز اینڈ نارکوٹکس ڈپارٹمنٹ کے مبینہ اہلکار بن کر شہری کی شارٹ ٹرم کڈنیپنگ کے کیس میں 3 ملزمان کی درخواستِ ضمانت مسترد کر دی۔جسٹس ظفر احمد راجپوت نے کہا کہ ملزمان کے خلاف پراسیکیوشن کے پاس ٹھوس شواہد ہیں۔

(جاری ہے)

عدالت نے اپنے ریمارکس میں کہا کہ اغوا برائے تاوان کا جرم ثابت ہونے پر سزائے موت یا عمر قید کی سزا ہو سکتی ہے، مارچ 2025 میں انسدادِ دہشت گردی کی عدالت نے ملزمان کی درخواستِ ضمانت مسترد کر دی تھی۔

پراسیکیوشن کے مطابق ملزمان نے مارچ 2024 میں ڈیفنس سے شہری کو اغوا کیا تھا، ملزمان نے اپنا تعلق اینٹی نارکوٹکس ڈپارٹمنٹ سے بتایا تھا، ملزمان نے 2 لاکھ روپے تاوان طلب کیا اور 50 ہزار روپے لے کر شہری کو چھوڑ دیا تھا۔پولیس کے مطابق ملزمان کے خلاف اے وی سی سی تھانے میں مقدمہ درج ہے۔