بھارت نے اپنے ہی ملک کے اندر 6بیلسٹک میزائل فائر کردیئے،ایک میزائل آدم پور جبکہ 5امرتسر میں فائر کیے گئے، بھارت سکھوں کو ہدف بنا رہا ہے،پاکستان کی ہمدردیاں سکھوں کے ساتھ ہیں،ڈی جی آئی ایس پی آر

ہفتہ 10 مئی 2025 02:50

راولپنڈی (اُردو پوائنٹ اخبارتازہ ترین - اے پی پی۔ 10 مئی2025ء) مسلح افواج کے ترجمان لیفٹیننٹ جنرل احمد شریف چوہدری نے کہا ہے کہ بھارت نے اپنے ملک کے اندر ہی 6بیلسٹک میزائل گرادیئے ہیں، ایک میزائل آدم پور جبکہ پانچ میزائل انڈین پنجاب کے علاقے امرتسر میں گرائے گئے ہیں، بھارت اپنے ہی ملک میں سکھوں کو نشانہ بنا رہا ہے ۔وہ جمعہ اور ہفتہ کی درمیانی شب ہنگامی پریس کانفرنس سے خطاب کر رہے تھے۔

(جاری ہے)

ڈی جی آئی ایس پی آر لیفٹیننٹ جنرل احمد شریف چوہدری نے کہا کہ بھارتی فوج کی جانب سے آدم پور سے 6بیلسٹک میزائل گرائے گئے ہیں جن میں سے ایک بیلسٹک میزائل آدم پور میں ہی جبکہ پانچ میزائل امرتسر میں گرائے گئے ہیں۔بھارت انڈین پنجاب میں سکھوں کی آبادیوں کو ہدف بنا رہا ہے ہماری تمام تر ہمدردیاں سکھوں اور انڈین پنجاب کے لوگوں کے ساتھ ہیں۔ انہوں نے کہا کہ اپنے ہی ملک میں چھ بیلسٹک میزائل گرانا عقل سے ماؤف ایک حرکت ہے۔

Facebook Twitter Google + Share on Whatsapp

متعلقہ عنوان :

مزید قومی خبریں