کراچی پولیس کی ناردرن بائی پاس کے قریب کارروائی ، ڈکیت گینگ کے سرغنہ گرفتار، 2 مغوی بازیاب

اتوار 11 مئی 2025 21:20

کراچی(اُردو پوائنٹ اخبارتازہ ترین - این این آئی۔ 11 مئی2025ء)کراچی پولیس نے ناردرن بائی پاس کے قریب کارروائی کرتے ہوئے ڈکیت گینگ کے سرغنہ کو گرفتار کر کے 2 مغویوں کو بازیاب کرا لیا ہے۔

(جاری ہے)

تفصیلات کے مطابق کراچی پولیس نے ناردرن بائی پاس کے قریب کامیاب کارروائی کرتے ہوئے ڈکیت گینگ کا سرغنہ گرفتار کر لیا ہے اور اس کے قبضے سے کروڑوں روپے مالیت کے چھینے گئے کنیٹنرز برآمد کرانے کے ساتھ دونوں مغویوں کو بحفاظت بازیاب کرا لیا ہے۔

پولیس کے مطابق 6 ملزمان نے گزشتہ شب گلشن حدید سے کنٹینر کو ڈرائیور اور کنڈکٹر سمیت اغوا کر لیا تھا۔ پولیس نے بروقت کامیاب کارروائی میں ملزم گرفتار اور مغوی بازیاب کرائے۔پولیس حکام کے مطابق گرفتار ملزم سے جدید پستول، کنٹینر بمعہ مکمل سامان برآمد کیا گیا ہے۔ برآمد کنٹینر میں کروڑوں روپے کا 36 ٹن سے زائد گھی اور تیل موجود تھا۔