Live Updates

سیز فائر کے بعد بھارت کی جانب سے کرتارپور راہداری دوسرے روز بھی بند رہی

پیر 12 مئی 2025 15:34

اسلام آباد (اُردو پوائنٹ اخبارتازہ ترین - این این آئی۔ 12 مئی2025ء)پاکستان اور بھارت کے درمیان سیز فائر کے بعد دوسرے روز بھی بھارت کی جانب سے کرتار پور راہداری بند رہی۔دربار انتظامیہ کے مطابقموجودہ صورتحال میں بھارت کی جانب سے نہ تو یاتریوں کی تفصیلات دی جا رہی ہیں اور نہ ہی راہداری سے یاتری آرہے ہیں۔

(جاری ہے)

دربار انتظامیہ کے مطابق ہم اپنے سکھ بھائیوں کی میزبانی کیلئے ہر وقت تیار ہیں اور پاکستان کی جانب سے کرتار پور راہداری معمول کے مطابق کھلی ہے۔دربار بابا گرو نانک پر پاکستان سمیت دنیا بھر سے یاتریوں کی آمد کا سلسلہ جاری ہے،دربار انتظامیہ نے کہا کہ بھارت کی جانب سے کب تک راہداری بند رہے گی یہ بتانا مشکل ہے۔