Live Updates

اگر افواج مضبوط ہوں گی تو سرحدیں بھی محفوظ رہیں گی،گورنر سندھ

پاکستان نے دشمن کو رات کے اندھیرے میں للکارنے کا منہ توڑ جواب دن کے اجالے میں دیا ،کامران ٹیسوری کی میڈیا سے گفتگو

بدھ 14 مئی 2025 17:07

اگر افواج مضبوط ہوں گی تو سرحدیں بھی محفوظ رہیں گی،گورنر سندھ

کراچی (اُردو پوائنٹ اخبارتازہ ترین - این این آئی۔ 14 مئی2025ء)گورنر سندھ کامران خان ٹیسوری نے یوم تشکر کے موقع پر گورنر ہاؤس میں میڈیا سے گفتگو کرتے ہوئے پاکستان کی مسلح افواج کی خدمات کو سراہا۔ انہوں نے کہا کہ افواج پاکستان ہماری سرحدوں کی محافظ ہیں، اگر افواج مضبوط ہوں گی تو سرحدیں بھی محفوظ رہیں گی۔ گورنر سندھ نے مزید کہا کہ پاکستان نے دشمن کو رات کے اندھیرے میں للکارنے کا منہ توڑ جواب دن کے اجالے میں دیا ہے۔

انہوں نے عالمی میڈیا میں پاکستانی موقف کے مؤثر دفاع پر ترجمانوں کے کردار کی بھی تعریف کی۔

(جاری ہے)

اس موقع پر ہندو، سکھ، عیسائی سمیت مختلف کمیونٹیز کی شرکت کو سراہتے ہوئے گورنر سندھ نے کہا کہ ملک کی یکجہتی اور بھائی چارے کا مظاہرہ قابل تحسین ہے۔ انہوں نے بھارت میں سیکولر ازم کے برعکس عوام کے کاروبار جلانے پر تشویش کا اظہار کیا۔کامران خان ٹیسوری نے 10 مئی کو قومی یکجہتی کے پیغام کا دن قرار دیتے ہوئے کہا کہ اب مئی کے مہینے میں کسی کو قوم کو چیلنج نہیں کرنا چاہیے، انہوں نے کہا کہ پاکستانی افواج نے ثابت کیا کہ ملک کا دفاع ناقابل تسخیر ہے۔ گورنر سندھ نے کہا کہ آئیے عہد کریں کہ پاکستان کو قرضوں کی زنجیروں سے آزاد کرائیں گے۔