Live Updates

بھارتی جارحیت پر پاک فوج کے منہ توڑ جواب پر بی جے پی اور کانگریس آمنے سامنے

بدھ 14 مئی 2025 22:38

نئی دہلی (اُردو پوائنٹ اخبارتازہ ترین - آن لائن۔ 14 مئی2025ء) بھارتی جارحیت پر پاک فوج کے منہ توڑ جواب پر بی جے پی اور کانگریس آمنے سامنے آگئیں ۔ بھارتی جارحیت پر پاکستان کے منہ توڑ جواب پر بھارتی حکومت اب تک تلملا رہی ہے۔بی جے پی کے مدھیہ پردیش کے وزیر وجے شاہ نے بھارتی فوج کی مسلمان ترجمان کو دہشتگردوں کی بہن قرار دیدیا ۔ وجے شاہ کا کہنا ہے کہ مودی نے دہشتگردوں کی بہن کرنل صوفیہ قریشی کو سبق سکھانے کیلئے آگے کردیا۔

(جاری ہے)

کانگریس جماعت کے کارکنوں نے کرنل صوفیہ قریشی کو دہشتگردوں کی بہن کہنے پر وجے شاہ کیخلاف مظاہرہ کیا ۔ +کانگریس کے مشتعل کارکنوں نے وجے شاہ کے نام کی تختی پر سیاہی پھینک دی۔ انہوں نے وجے شاہ اور مودی سرکار کیخلاف نعرے بازی بھی کی ۔ مودی سرکار مردہ باد، وجے شاہ مردہ باد کے نعرے لگائے گئے۔ دفاعی ماہرین کا کہنا ہے کہ کانگریس کی جانب سے وجے شاہ کیخلاف احتجاج ثابت کرتاہے کہ بی جے پی کی پالیسیوں سے کوئی خوش نہیں۔ کانگریس اور بی جے پی کے کارکنوں کے درمیان یہ محاذ آرائی بھارت کے اندر تقسیم کو واضح کرتی ہے۔