پاک افواج نے دشمن کی کھلی جارحیت کا منہ توڑ جواب دیا،بلی جویریہ ظفر آہیر

جمعہ 16 مئی 2025 14:20

اسلام آباد (اُردو پوائنٹ اخبارتازہ ترین - اے پی پی۔ 16 مئی2025ء) سابق ممبر قومی اسمبلی جویریہ ظفر آہیر نے کہا ہے کہ پاک افواج نے دشمن کی کھلی جارحیت کا منہ توڑ جواب دیا اور ان کے مذموم عزائم ناکام بنا کر قوم کا سر فخر سے بلند کیا،پاکستانی عوام سیسہ پلائی دیوار کی مانند مسلح افواج کے ساتھ کھڑے ہیں۔ جمعہ کو یوم تشکر کے موقع پر قوم کے نام اپنے پیغام میں جویریہ ظفر کی تاریخی فتح پر پوری قوم کو مبارک باد۔

اس جیت پر ہم اللہ کا جتنا شکر ادا کریں کم ہے۔انہوں نے کہاکہ مادر وطن کے دفاع میں جان قربان کرنے والے شہداء کو خراجِ عقیدت بیش کرتی ہوں، پاک افواج نے دشمن کی کھلی جارحیت کا منہ توڑ جواب دیا، اور ان کے مذموم عزائم ناکام بنا کر قوم کا سر فخر سے بلند کیا،معرکہ حق کے بعد پاکستان کو دنیا بھر میں ایک منفرد مقام حاصل ہوا ہے۔

(جاری ہے)

انہوں نے کہاکہ پاکستانی عوام سیسہ پلائی دیوار کی مانند مسلح افواج کے ساتھ کھڑے ہیں، ہر پاکستانی دفاع وطن کے لیے اپنی جان قربان کرنے کو تیار ہے۔

جویریہ ظفر آہیر نے کہاکہ پاکستانی قوم میڈیا اور نوجوانوں بچے بچیاں نے معرکہ حق میں مثالی کردار ادا کیا، سیاسی و عسکری قیادت نے یکجہتی کا عملی ثبوت دیا۔انہوں نے کہاکہ پاک فوج نے بھارتی جارحیت کا مردانہ وار جواب دیا،شہداء کی قربانیوں کو قوم کبھی نہیں بھولے گی، ملکی دفاع کے لیے پوری قوم یکجہتی کی علامت بنی رہی۔