Live Updates

کمشنر کمپلیکس سرگودھا میں معرکہ حق یومِ تشکر کی شاندار تقریب کا انعقاد

جمعہ 16 مئی 2025 17:50

سرگودھا (اُردو پوائنٹ اخبارتازہ ترین - اے پی پی۔ 16 مئی2025ء) کمشنر کمپلیکس میں معرکہ حق یومِ تشکر کی شاندار تقریب کا انعقاد کیا گیا۔ تقریب میں کمشنر جہانزیب اعوان ، ریجنل پولیس آفیسرڈاکٹر شہزاد آصف ، ڈپٹی کمشنر کیپٹن (ر) محمد وسیم اور ڈسٹرکٹ پولیس آفیسر ڈاکٹر صہیب اشرف سمیت مختلف محکموں کے سربراہان، ریسکیو 1122، میونسپل کارپوریشن ، سول ڈیفنس کے رضاکاروں اور پولیس کے جوانوں نے بڑی تعداد میں شرکت کی۔

مہمانوں نے قومی پر چم لہرایا۔ پولیس بینڈ نے قومی ترانہ او رملی نغموں کی دھنیں پیش کیں۔ پولیس کے چاک وچوبند دستے نے پرچم کو سلامی دی اور گن فائرنگ کی۔ اس وموقع پر کمشنرجہانزیب اعوان نے کہا کہ آپریشن بنیان مرصوص نے بھارتی بالادستی کا خواب چکنا چور کر دیا ہے۔

(جاری ہے)

یہ دن اللہ رب العزت کے حضور سجدہ شکر بجا لانے کادن ہے۔ پوری پاکستانی قوم کو اس کامیابی پر فخر ہے او رافواجِ پاکستان کے شانہ بشانہ کھڑی ہے۔

کمشنر نے کہا کہ پاک فضائیہ کے شاہینوں کا دُنیا میں کوئی ثانی نہیں۔ معرکہ حق میں پاک فضائیہ ، ایئر ڈیفنس ،پاک آرمی اور اہلیان سرگودہا نے جس بہادری اور استقامت کامظاہرہ کیااس پرسب خراجِ تحسین کے مستحق ہیں۔ اُنہوں نے جنگی ماحول میں سول ڈیفنس ، ریسکیو 1122، میونسپل کارپوریشن کے افسران وعملہ کے جذبہ کو بھی سراہا۔ اُنہوں نے کہا کہ بلیک آوٹ مشق میں سرگودہا کے شہریوں نے پورا ساتھ دیا۔

اس طرح جب ڈراون کو گرایا جارہا تھا توسرگودہا کے باسی اس صورتحال میں دشمن سے ڈرنے کی بجائے بے خوف وخطر او رپرجوش نظر آئے جو اس بات کی علامت ہے کہ ملکی یکجہتی کیلئے ہم سب ایک ہیں۔ کمشنرجہانزیب اعوان کا مزید کہنا تھا کہ پاکستان عالمی برادری میں سراُٹھا کر کھڑا ہے۔ اُنہوں نے کہا کہ آج اللہ کا شکر بجا لانے کے ساتھ اس عزم کا دوبارہ اعادہ کرنا ہے کہ قوم کو دوبارہ ایسے وقت کا سامنا ہوا تو اس سے بڑھ کر وار کریںگے۔ اس موقع پر ایڈیشنل ڈپٹی کمشنر (جنرل) و چیف افیسرمیونسپل کارپوریشن حافظ محمد عمرفاروق نے شہدا ءاور غازیوں کیلئے خصوصی دُعا بھی کروائی ۔