Live Updates

پاکستان پر امن ملک ہے ، اپنی سرزمین ہر کسی بھی جارحیت کو برداشت نہیں کرے گا ،ملک محمد شریف

جمعہ 16 مئی 2025 17:50

کوئٹہ (اُردو پوائنٹ اخبارتازہ ترین - اے پی پی۔ 16 مئی2025ء) کوئٹہ کےروٹس گرائمر سکول میں معرکہ حق کی کامیابی پر یوم تشکر کی ریلی اورپروقار تقریب منعقد ہوئی۔ اس موقع پر شرکاء نے پینرز اور پلے کارڈ اٹھا رکھے تھے جن پر افواج پاکستان کے حق میں نعرے درج تھے۔ تقریب سے خطاب کرتےہوئے سکول کے پرنسپل ملک محمد شریف نے کہا کہ پاکستان پر امن ملک ہے مگر اپنی سرزمین ہر کسی بھی جارحیت کو برداشت نہیں کرے گا ۔

(جاری ہے)

انہوں نے کہاکہ پاک فوج ہمارا فخر ہے افواج پاکستان نے بھارت کو منہ توڑ جواب دیکر قوم کا سر فخر سے بلند کردیا۔ انہوں نے کہا کہ ہمیں فخر ہے کہ اللہ پاک نے ہمیں عظیم مملکت اور دنیا کی عظیم ترین افواجِ سے نوازا ہے، ہم افواجِ پاکستان کے ساتھ شانہ بشانہ کھڑے ہیں۔ انہوں نے مزید کہا کہ ہم اللہ پاک کا شکر ادا کرتے ہیں کہ اللہ پاک نے ہمیں 10 مئی کو بھارت کے خلاف عظیم فتح حاصل کی اس موقع پر شرکاء نے افواجِ پاکستان اور ملک وطن پاکستان کے حق میں فلک شگاف نعرے لگائے۔