وزیراعظم محمد شہبازشریف نے ٹیلی فون کر کے عالمی سطح پر پاکستان کی نمائندگی کرنے اور دنیا کو پاکستان کا امن کا موقف پیش کرنے کی ذمہ داری سونپی ہے جو میرے لیے قابل فخر ہے، بلاول بھٹو زرداری کا ایکس پر پیغام

اتوار 18 مئی 2025 00:10

اسلام آباد (اُردو پوائنٹ اخبارتازہ ترین - اے پی پی۔ 18 مئی2025ء) پاکستان پیپلزپارٹی کے چیئرمین بلاول بھٹو زرداری نے کہا ہے کہ وزیراعظم محمد شہبازشریف نے ٹیلی فون کر کے عالمی سطح پر پاکستان کی نمائندگی کرنے اور دنیا کو پاکستان کا امن کا موقف پیش کرنے کی ذمہ داری سونپی ہے جو میرے لیے قابل فخر ہے۔

(جاری ہے)

ہفتہ کو سماجی رابطے کی ویب سائٹ ایکس پر اپنی پوسٹ میں چیئرمین بلاول بھٹو زرداری نےکہا کہ آج مجھ سے وزیرِاعظم شہباز شریف نے ٹیلی فون پر رابطہ کیا ہے اور کہا ہے کہ میں ایک وفد کی قیادت کرتے ہوئے عالمی سطح پر پاکستان کی نمائندگی کروں اور دنیا میں پاکستان کا امن کا مؤقف پیش کروں۔

انہوں نے کہاکہ مجھے عالمی سطح پر پاکستان کی نمائندگی کی ذمہ داری قبول کرنے پر فخر ہے،میں ان مشکل حالات میں پاکستان کی خدمت کے لیے پرعزم ہوں، پاکستان زندہ باد۔

Facebook Twitter Google + Share on Whatsapp

متعلقہ عنوان :

مزید قومی خبریں