Live Updates

جنگی جنون میں مبتلا مودی سرکارملک کے سفارتی تعلقات خراب کرنے پرتُل گئی

پیر 19 مئی 2025 13:25

نئی دہلی (اُردو پوائنٹ اخبارتازہ ترین - این این آئی۔ 19 مئی2025ء)مودی حکومت نے پاکستان کی دشمنی میں ترکی، اور آذربائیجان کے ساتھ تجارتی وتعلیمی بائیکاٹ شروع کر دیا۔ذرائع کے مطابق مودی کا جنگی جنون عروج پر آچکا ہے جس کے بعد بھارت نے ترکی اور آذربائیجان پر الزام تراشی اورتجارتی بائیکاٹ مہم کا آغاز کر دیا ہے۔جنگی جنون وفسطائیت میں مبتلا مودی سرکار ترکی اور آذربائیجان سے سفارتی تعلقات خراب کرنے پرتُل گئی ہے۔

ذرائع کا کہنا ہے کہ ترکی اورآذربائیجان کی ’’آپریشن بنیان مرصوص‘‘ کی حمایت کرنے پر بھارت سیخ پا ہوگیا ہے جس کے بعد اس نے دونوں ممالک کے ساتھ سفارتی تعلق خراب کرلیے۔بھارتی تاجروں کی جانب سے ترک اور آذربائیجان کا مکمل بائیکاٹ کا اعلان کر دیا گیا ہے۔

(جاری ہے)

مودی حکومت نے ترک کمپنی ’ًelebi‘ کوجھوٹے سیکیورٹی خدشات کا بہانہ بنا کر آپریٹ کرنے سے روک دیا۔

جبکہ بھارتی ای کامرس پلیٹ فارمز نے ترک کپڑوں کی فروخت بند کر دی، بھارتی فیشن کمپنی Myntra نے عارضی طور پر ترک برانڈز روک دئیے ہیں۔اس کے علاوہ بھارتی بائیکاٹ میں ترک سیب اور ماربل کی بھارت میں تجارت شدید متاثر، جواہرات فروشوں کا روایتی ترک زیورات کے فروخت سے انکار، مودی کا تعلیمی اداروں پر جنونی ایجنڈا مسلط، اور ترکی سے تعلیمی روابط منقطع شامل ہیں۔

ذرائع نے مزید بتایا کہ مودی سرکار کے دباؤ پر جے این یو، جامعہ ملی اور اردو یونیورسٹی نے ترکی سے تعلیمی تعلقات منقطع کر دئیے۔ ترک و آذری لوکیشنز پر فلموں کی شوٹنگ ممنوع قرار دے دی گئی جبکہ بھارتی پروڈکشن ہاؤسز کو بھی مودی سرکار کی وارننگ مل گئی، اور کہا گیا کہ قدم رکھا تو بائیکاٹ یقینی بنایا جائے گا۔بھارتی گلوکاروں اور فلمی مواد سے پاکستانی فنکاروں کی تصاویر ہٹا کر فلمی صنعت میں بائیکاٹ جاری ہے۔بی جے پی رہنما نے اعلان کرتے ہوئے کہا کہ ترکی و آذربائیجان سے کاروبار کرنے والی کمپنیوں کا بھی بائیکاٹ ہوگا۔مودی حکومت متحدہ عرب امارات، ایران و خلیجی ممالک سے درآمدات کی سخت چیکنگ کی جا رہی ہے۔