مودی سرکار سچ سے خائف، سوال پوچھنے والی آوازوں کو کچلنے پر اٴْتر آئی

نئی دہلی (اُردو پوائنٹ اخبارتازہ ترین - آن لائن۔ 20 مئی2025ء) مودی سرکار سچ سے خائف، سوال پوچھنے والی آوازوں کو کچلنے پر اٴْتر آئی۔ مودی سرکار نے آزاد صحافت کا گلا گھونٹ کر جمہوریت کا جنازہ نکال دیا ۔ میڈیا رپورٹ کے مطابق ذرائع کا کہنا ہے کہ گجرات سماچار کا ایکس اکاؤنٹ بھارت میں بلاک کر دیا گیا ہے جو اظہار رائے کی آزادی پر براہِ راست حملہ ہے ۔

ذرائع کا کہنا ہے کہ مودی کے جنگی جنون، ڈھونگ اور جھوٹی فتح پر آواز اٹھانے پر مودی سرکار نے گجرات سماچار نیوز چینل پر چھاپا مارا جبکہ ڈائریکٹر بہوبلی بھائی شاہ کو بھی گرفتار کر لیا گیا۔ بہوبلی بھائی شاہ کی گرفتاری محض اس لئے کی گئی کہ وہ حکومت سے جوابدہی کا مطالبہ کر رہے تھے۔ ذرائع کا کہنا ہے کہ بی جے پی نے انفورسمنٹ ڈائرکٹوریٹ اور انکم ٹیکس کو سیاسی ہتھیار بنا کر گجرات سماچار نیوز چینل کو خاموش کرانے کی شرمناک کوشش کی ہے ۔

(جاری ہے)

مودی کے گڑھ میں سچ بولنے پر گجرات سماچار اور جی ایس ٹی وی کو نشانہ بنایا گیا، ذرائع کا کہنا ہے کہ گجرات سماچار ٹی وی دفتر پر 36 گھنٹے انکم ٹیکس کا چھاپہ رہا اس کے فوراً بعد انفورسمنٹ ڈائرکٹوریٹ نے دھاوا بولا ۔ اپوزیشن لیڈران کا کہنا ہے کہ بی جے پی کو تنقید برداشت نہیں، صحافیوں کو دھمکانا اور جیل میں ڈالنا معمول بن چکا ہے۔ گجرات سماچار پر مسلسل دباؤ مودی سرکار کی جمہوریت کا گلا گھونٹنے کی ایک اور چال ہے۔

بی جے پی نے میڈیا کو غلام بنانے کا g عزم کر لیا، آزاد آوازیں مودی حکومت کو کھٹکنے لگیں۔ اپوزیشن رہنماوں کا کہنا ہے کہ انفورسمنٹ ڈائرکٹوریٹ اور انکم ٹیکس کے چھاپوں کا مقصد کرپشن نہیں بلکہ سچائی کو دبانا ہے۔ پریس کلب آف انڈیا اور دیگر اداروں کے مطابق مودی کی جانب سے انفورسمنٹ ڈائرکٹوریٹ کا استعمال صحافت کو دبانے کے لیے ہو رہا ہے۔

جو حکومت سے سوال کرے، بی جے پی اسے نشانہ بناتی ہے۔ گانگریس رہنما وں کا کہنا ہے کہ مودی حکومت کا ایجنڈا ہی سچ بولنے والوں کو جیل میں ڈالنا اور میڈیا کو خاموش کرنا ہے۔ گجرات سماچار نے ہمیشہ بے باک صحافت کی، ہم ان کے ساتھ کھڑے ہیں۔سیاسی ماہرین کا کہنا ہے کہ میڈیا کا گلا گھونٹنے والی حکومت اپنے ہی عوام سے ڈرتی ہے۔ بی جے پی اندرونی انتشار سے توجہ ہٹانے کے لیے میڈیا پر حملے کر رہی ہے۔