Live Updates

حکومت نے یو اے ای کے تین بینکوں سے ایک ارب ڈالر قرض مانگ لیا

شارجہ اسلامک بینک، ابوظبی اسلامک بینک اور عجمان بینک شامل، آئی ایم ایف کی شرط پر زرمبادل کے ذخائر کو مضبوط کرنا ہے،ذرائع وزارت خزانہ

منگل 20 مئی 2025 22:10

حکومت نے یو اے ای کے تین بینکوں سے ایک ارب ڈالر قرض مانگ لیا

کراچی(اُردو پوائنٹ اخبارتازہ ترین - این این آئی۔ 20 مئی2025ء)حکومت نے 30 جون تک کمرشل بینکوں سے مزید ایک ارب ڈالر کا قرضہ لینے کا فیصلہ کیا ہے، وزارت خزانہ نے متحدہ عرب امارات کے تین بینکوں سے ایک ارب ڈالر کمرشل قرض کی باضابطہ درخواست کردی۔وزارت خزانہ کے ذرائع کے مطابق حکومت 30 جون تک کمرشل بینکوں سے مزید ایک ارب ڈالر کا قرضہ لے گی، مزید ایک ارب ڈالر قرض کا مقصد اسٹیٹ بینک کے زرمبادلہ کو ذخائر مستحکم بنانا ہے۔

(جاری ہے)

ذرائع کے مطابق آئی ایم ایف نے 30 جون تک اسٹیٹ بینک کے زرمبادلہ کے ذخائر 13.9 ارب تک پہنچانے کا ہدف دے رکھا ہے۔ ذرائع نے کہا کہ آئی ایم ایف کی ایک اور شرط پوری کرنے کیلئے حکومت پاکستان نے متحدہ عرب امارات کے بینکوں سے رابطہ کیا اور وزارت خزانہ نے متحدہ عرب امارات کے تین بینکوں سے ایک ارب ڈالر کمرشل قرض کی باضابطہ درخواست کردی ہے۔ذرائع نے مزید بتایا کہ شارجہ اسلامک بینک، ابوظبی اسلامک بینک اور عجمان بینک سے 1 ارب ڈالر کی درخواست کی گئی ہے۔