Live Updates

یونیسف کی خضدار سکول بس حملے کی مذمت

بہت ہو چکا المناک تشدد ،بے معنی تکلیف ختم ہونی چاہئے،بچے کسی صورت میں تشدد کا نشانہ نہیں بننے چاہئیں، بیان

بدھ 21 مئی 2025 21:30

اسلام آباد (اُردو پوائنٹ اخبارتازہ ترین - این این آئی۔ 21 مئی2025ء)اقوام متحدہ کے ادارے یونیسف نے خضدار میں سکول بس پر حملے کی مذمت کرتے ہوئے کہا ہے کہ بچے کسی صورت میں تشدد کا نشانہ نہیں بننے چاہئیں۔ جاری بیان میں یونیسف کی چیف آف ایڈوکیسی اینڈ کمیونی کیشنز کیرن ریڈی نے کہا کہ ہم اسکول بس پر حملے کی مذمت کرتے ہیں۔

(جاری ہے)

انہوں نے کہا کہ کسی بچے کیلئے سکول جانا کبھی بھی خطرناک عمل نہیں ہونا چاہئے، افسوس کی بات ہے پاکستان میں بہت سے بچوں کیلئے یہی تلخ حقیقت بن چکی ہے۔

ترجمان نے کہا کہ خضدار میں سکول جانے والے بچوں کو بے رحمانہ تشدد کا نشانہ بنایا گیا، ان معصوم بچوں کی زندگیاں، خواب اور مستقبل تباہ ہو گئے۔ انہوں نے کہا کہ بس بہت ہو چکا یہ المناک تشدد اور بے معنی تکلیف ختم ہونی چاہیے، بچے کسی بھی صورت میں تشدد کا نشانہ نہیں بننے چاہئیں۔