نائب وزیراعظم سینیٹر محمد اسحاق ڈار کی زیر صدارت قومی مالیاتی معاہدے پر عملدرآمد کے لئے اعلیٰ سطحی کمیٹی کا اجلاس

جمعہ 23 مئی 2025 20:10

اسلام آباد (اُردو پوائنٹ اخبارتازہ ترین - اے پی پی۔ 23 مئی2025ء) نائب وزیراعظم اور وزیر خارجہ سینیٹر محمد اسحاق ڈار نے قومی مالیاتی معاہدے پر عملدرآمد کے لئے اعلیٰ سطحی کمیٹی کے اجلاس کی صدارت کی۔

(جاری ہے)

نائب وزیراعظم کے آفس سے جمعہ کو جاری بیان کے مطابق اجلاس میں وفاقی وزراءخزانہ، منصوبہ بندی، قانون، فوڈ سکیورٹی اور اقتصادی امور ڈویژن، وزیر اعظم کے معاون خصوصی، آڈیٹر جنرل آف پاکستان، رکن قومی اسمبلی سید نوید قمر اور وزیراعلیٰ بلوچستان کے علاوہ وفاقی اور صوبائی حکومتوں کے اعلیٰ حکام نے شرکت کی۔

کمیٹی کا مقصد قومی مالیاتی معاہدے کے موثر نفاذ میں سہولت فراہم کرنا ہے جو وفاقی حکومت کو درپیش مالیاتی چیلنجز سے نمٹنے کے لئے ایک اہم قدم ہے۔ کمیٹی نے وفاقی مالیاتی وسائل کی بنیاد کو بہتر بنانے اور بڑھانے کے طریقوں پر غور کیا۔ کمیٹی نے وفاقی حکومت کو درپیش موجودہ مالیاتی چیلنجز کا قابل عمل حل تلاش کرنے کے عزم پر زور دیتے ہوئے قومی مالیاتی معاہدے کے ساتھ اپنے عزم کا اعادہ کیا۔