شہید حیدر علی اور دیگر متاثرہ بچوں کا خون رائیگاں نہیں جائے گا ،محمد طاہر کھوکھر

دہشت گردی کی اس سفاک کارروائی نے پوری قوم کو ہلا کر رکھ دیا ہے اور معصوم بچوں کو نشانہ بنانا درندگی کی بدترین مثال ہے

اتوار 25 مئی 2025 14:40

اسلام آباد (اُردو پوائنٹ اخبارتازہ ترین - این این آئی۔ 25 مئی2025ء) خضدار میں سکول کے بچوں پر دہشت گردوں کی فائرنگ سے شہید ہونے والے طالبعلم حیدر علی کے گھر تعزیت کے لیے پاسبان وطن پاکستان کی مرکزی قیادت سنگجانی پہنچی۔ چیئرمین پاسبان وطن شیخ مختار اعوان، مرکزی صدر طاہر کھوکھر اور مرکزی قیادت نے اہلِ خانہ سے ملاقات کی شہید کے درجات کی بلندی زخمی بہنوں کی صحت یابی اور لواحقین کے لیے صبر و استقامت کی دعا کی شہید طالبعلم حیدر علی پاسبان وطن کے سینئر رہنما چوہدری سہیل کے قریبی عزیز تھے واقعے میں حیدر علی کی دو بہنیں بھی شدید زخمی ہوئیں جن میں ایک اس وقت سی ایم ایچ کوئٹہ میں زیرِ علاج ہے جبکہ دوسری کی تیمارداری گھر پر کی گئی۔

مرکزی قیادت نے متاثرہ خاندان کو ہر ممکن تعاون کا یقین دلاتے ہوئے کہا کہ قوم اس غم میں برابر کی شریک ہے۔

(جاری ہے)

پاسبان وطن کی مرکزی قیادت نے تعزیت کے بعد میڈیا سے گفتگو کرتے ہوئے انہوں نے کہا کہ اس سانحے نے پوری قوم کو سوگوار کر دیا ہے دہشت گردوں نے نہ صرف تعلیم کے نور کو بجھانے کی کوشش کی بلکہ ہنستے بستے گھروں کو اجاڑ کر رکھ دیادہشت گردی کی اس سفاک کارروائی نے پوری قوم کو ہلا کر رکھ دیا ہے اور معصوم بچوں کو نشانہ بنانا درندگی کی بدترین مثال ہے شدید غم و غصے کا اظہار ایک ہی گھر کے تین معصوم پھولوں کو نشانہ بنانے والے نہ مسلمان ہو سکتے ہیں نہ انسانیہ حیوان بھی نہیںیہ انڈیا کے پالتو درندے ہیںجنہوں نے اسکول کے معصوم بچوں پر گولیاں برسائیں ان بچوں کا کیا قصور تھا جو صرف تعلیم حاصل کرنے اسکول گئے تھے دشمن کی یہ بزدلانہ کارروائیاں پاکستان کے عزم کو متزلزل نہیں کر سکتیںشیخ مختار اعوان مرکزی صدر طاہر کھوکھر نے واقعے کو ایک منظم اور اسپانسرڈ دہشت گردی قرار دیتے ہوئے بھارت اور اس کی خفیہ ایجنسی راکا ہاتھ قرار دیا قوم اس سے باخبر ہے یہ ایک سوچی سمجھی سازش ہے بھارت نے پاکستان میں افرا تفری خوف اور بدامنی پھیلانے کے لیے دہشت گردوں کو میدان میں اتارا ہے مگر پاکستان کی حفاظت کے لیئے عوام اور ادارے ان کے سامنے سیسہ پلائی دیوار بن چکے ہیں بھارت معصوم خون کا حساب دے گا اور دشمنوں کو پاکستان کی سرزمین پر چھپنے کی جگہ نہیں ملے گی۔

پاسبان وطن کی قیادت نے اس عزم کا اعادہ کیا کہ پاکستان کے سیکیورٹی ادارے افواج اور عوام متحد ہیںپاکستان نے دہشت گردی کے خلاف بے شمار قربانیاں دی ہیں اور یہ جنگ آخری دہشت گرد کے خاتمے تک جاری رہے گی ہماری افواج اور ایجنسیاں ان درندوں کو چن چن کر نشان عبرت بنائیں گی یہ انڈیا کے ایجنڈے پر کام کرنے والے دہشت گرد اپنے انجام کو پہنچیں گے قوم کی آنکھیں کھل چکی ہیں پاکستان کے عوام اب دشمن کو پہچان چکے ہیں بھارت اپنی شکست کا بدلہ معصوم بچوں کے خون سے لے رہا ہے مگر قوم نہ ڈری ہے نہ جھکی ہے عوام متحد ہیں اور پاکستان کو عدم استحکام سے دوچار کرنے کی ہر سازش ناکام بنائیں گے شہید حیدر علی اور دیگر متاثرہ بچوں کا خون رائیگاں نہیں جائے گا دشمن کو اس ظلم کی قیمت چکانی ہوگی، اور پاکستان ان شہادتوں کو ایک نئے عزم اور نئی طاقت میں بدل دے گا۔