ض*جماعت اسلامی لاہور کے زیراہتمام ’’پری بجٹ سیمینار‘‘ ماہرین معاشیات کی شرکت

Eلاہور (اُردو پوائنٹ اخبارتازہ ترین - آن لائن۔ 25 مئی2025ء) جماعت اسلامی لاہور کے زیراہتمام ’’پری بجٹ سیمینار‘‘ نائب امیر جماعت اسلامی پاکستان لیاقت بلوچ ، امیر جماعت اسلامی لاہور ضیاء الدین انصاری ایڈووکیٹ اور صدر پاکستان اکنامکس فورم مرزا عبدالرشید، ماہر معاشیات و اکانومسٹ مرزا منور حسن، ناصر گلزارِ ایف سی اے، ڈاکٹر میاں محمد اکرم مصنف، سوشل ایکٹوسٹ و سکالرنے کہا ہے کہ حکومت نئے مالی سال کے بجٹ میں تنخواہ دار طبقے کو تمام سلیبز پر ریلیف دیا جائے۔

بجلی، گیس، پیٹرولیم مصنوعات کی قیمتوں میں بڑھانے کی بجائے کم کی جائیں، چھوٹے پیمانے کے کاروبار کو فروغ دیا جائے تاکہ لوگوں کو روزگار ملے۔ عام آدمی کو ریلیف دیکر وڈیروں، جاگیرداروں اور امیرطبقے کو ٹیکس نیٹ میں شامل کیا جائے ۔

(جاری ہے)

تعلیم، صحت کے بجٹ میں خاطر خواہ اضافہ کرے، بجٹ میں کسانوں کو ریلیف دیا جائے، صنعت و تجارت کی ترقی کیلئے اقدامات کیے جائیں۔

حکمران کو قرض لینے کی لت پڑی چکی ہے۔ حکمرانوں کی ترجیحات میں عوام کے ریلیف کیلئے کوئی جامع پالیسی سرے سے ہی موجود نہیں۔ کسان، تاجر، ڈاکٹر اور عام آدمی حکمرانوں کی عوام دشمن پالیسیوں سے پریشان ہیں۔ تمام سیاسی پارٹیاں اپنی عیاشیاں چھوڑنے کیلئے تیار نہیں ہے۔ اقتدارِ سے قبل بڑے بڑے دعوے کیے جاتے ہیں۔ بدقسمتی سے اقتدار ملنے کے بعد عوام حکمران طبقہ اپنی عیاشیوں میں لگ جاتا ہے۔

عوام ٹیکس دینے کیلئے تیار یے۔ لیکن حکمران طبقہ عوام کے ٹیکس پر عاشی کرے یہ عوام کو منظور نہیں۔ ہر پاکستانی ساڑھے تین لاکھ روپے کا مقروض ہوچکا ہے۔ضیاء الدین انصاری ایڈووکیٹ و دیگر قائدین نے شرکاء سے خطاب کرتے ہوئے کہا کہ آئی ایف ایم سے جان چھڑوائے بغیر ملک و قوم کو ترقی کی راہ پر گامزن نہیں کیا جا سکتا۔ آئی ایم ایف کی ظالمانہ شرائط پر عملدرآمد کرکے عوام کا معاشی قتل عام کیا جارہا ہے۔

مالی سال کے بجٹ میں قومی اسمبلی میں بل پاس ہوا ہے کہ آئندہ بجٹ میں بجلی، گیس کی قیمتوں، اشیاء خوردو نوش کی قیمتوں میں مزید اضافہ ہوگا۔ حکمران طبقہ عام آدمی اور تنخواہ دار طبقے کا خون نچوڑ رہا یے۔ مالی سال میں تنخواہ دار طبقہ 500 ارب سے زائد اور حکمران طبقہ صرف 5 ارب کم ٹیکس دیا ہے جو انتہائی تشویشناک ہے۔ تقریب میںسیکرٹری جنرل جماعت اسلامی لاہور اظہر بلال، ڈپٹی سیکرٹری جماعت اسلامی لاہور عبدالعزیز عابد سمیت دیگر ماہر معاشیات نے شرکت کی اور وفاقی و صوبائی بجٹ کے حوالے موثر اور جامع تجاویز پیش کیں۔

ماہر معاشیات ڈاکٹر شاہدہ وزارت نے تقریب میں آن لائن شرکت و خطاب کیا۔لیاقت بلوچ نے کہا کہ قومی بجٹ اپنا تقدس بری طرح کھو چکا ہے۔ ایک سال میں کئی بجٹ آتے ہیں۔ حکمرانوں نے قیام پاکستان سے لیکر اپنے مفادات کیلئے وہ کام کیا ہے جس میں ان کو فائدہ حاصل ہو۔ بدقسمتی سے 78 سال سے دو قومی نظریہ پر عملدرآمد نہیں ہو سکا۔