بغیر پرمٹ، بغیر لائسنس اور کم عمر ڈرائیورز کے خلاف بھاری چالان اور گاڑی تھانے منتقل ہوگی۔لین وائلیشن، ون ویلنگ اور اوور لوڈنگ پر بھی بھاری جرمانہ ادا کرنا ہوگا،اسلام آباد ٹریفک پولیس

پیر 26 مئی 2025 11:10

اسلام آباد (اُردو پوائنٹ اخبارتازہ ترین - اے پی پی۔ 26 مئی2025ء) ٹریفک قوانین کی خلاف ورزی پر اسلام آباد ٹریفک پولیس کی سخت حکمت عملی جاری ۔ٹریفک قوانین کی سنگین خلاف ورزی پر اب بھاری جرمانہ عائد ہوگا ور سواری تھانے منتقل ہوگی۔پولیس ترجمان کے مطابق بغیر پرمٹ، بغیر لائسنس اور کم عمر ڈرائیورز کے خلاف بھاری چالان اور گاڑی تھانے منتقل ہوگی۔

(جاری ہے)

لین وائلیشن، ون ویلنگ اور اوور لوڈنگ پر بھی بھاری جرمانہ ادا کرنا ہوگا۔چیف ٹریفک پولیس کیپٹن ریٹائرڈ ذیشان حیدر نے کہا کہ ںغیر ڈرائیونگ لائسنس وفاقی دارالحکومت میں گاڑی چلانے کی ہرگز اجازت نہیں،ٹریفک قوانین کی خلاف ورزی پر اب فی الفور بلا تفریق کاروائیاں ہونگی،ٹریفک قوانین پر عمل درآمد یقینی بنائیں اور اپنی زندگی محفوظ بنائیں۔

Facebook Twitter Google + Share on Whatsapp

متعلقہ عنوان :

مزید قومی خبریں