کراچی :سینئر سیاستدان کمال الدین اظفر انتقال کر گئے

کمال الدین اظفر وزیرخزانہ اور گورنرسندھ کے عہدے پرفائر رہ چکے تھے

پیر 26 مئی 2025 16:57

کراچی (اُردو پوائنٹ اخبارتازہ ترین - این این آئی۔ 26 مئی2025ء)سابق وزیر خزانہ و گورنر سندھ کمال الدین اظفر رضائے الہی سے کراچی میں انتقال کر گئے۔ وہ طویل عرصے سے ملکی سیاست اور قانون کے شعبے میں فعال کردار ادا کرتے رہے۔

(جاری ہے)

مرحوم کمال الدین اظفر نے 1970 میں پاکستان پیپلزپارٹی میں شمولیت اختیار کی اور پارٹی کے وفادار کارکن کے طور پر پہچانے گئے۔ وہ دو بار سینیٹ کے رکن منتخب ہوئے اور سندھ کے وزیر خزانہ اور بعد ازاں گورنر سندھ کے اہم عہدوں پر فائز رہے۔کمال الدین اظفرکے انتقال پر سیاسی و سماجی شخصیات نے گہرے دکھ اور افسوس کا اظہار کیا ہے۔