مریم نواز شریف نے شاہ پور کانجراں میں74ایکڑ رقبے پر قائم ملک کی سب بڑی ماڈل کیٹل مارکیٹ کا افتتاح کر دیا

ماڈل کیٹل مارکیٹ میں25 ہزاربڑے جانوراورڈیڑھ لاکھ چھوٹے جانورکی گنجائش ہوگی ، جانوروں کے شیڈ میں پنکھے بھی لگائے گئے، مویشیوں کووبائی امراض سے بچانے کیلئے قرنطینہ سنٹر بھی بنایا گیا، وزیراعلیٰ پنجاب کو ماڈل کیٹل مارکیٹ پراجیکٹ بارے مکمل بریفنگ دی گئی

فیصل علوی منگل 27 مئی 2025 14:00

مریم نواز شریف نے شاہ پور کانجراں میں74ایکڑ رقبے پر قائم ملک کی سب بڑی ..

لاہور(اردوپوائنٹ اخبار تازہ ترین۔27 مئی 2025)وزیراعلیٰ پنجاب مریم نواز شریف نے شاہ پور کانجراں میں ملک کی سب بڑی ماڈل کیٹل مارکیٹ کا افتتاح کر دیا،مریم نوازشریف نے شاہ پور کانجراں ماڈل کیٹل مارکیٹ کا دورہ کیا اور ماڈل کیٹل میں دستیاب سہولتوں کا جائزہ لیا، وزیراعلیٰ مریم نواز شریف کو ماڈل کیٹل مارکیٹ پراجیکٹ بارے مکمل بریفنگ دی گئی،بریفنگ کے دوران بتایاگیا کہ ماڈل کیٹل مارکیٹ میں25 ہزاربڑے جانوراورڈیڑھ لاکھ چھوٹے جانورکی گنجائش ہوگی ۔

74 ایکڑ رقبے پر قائم ماڈل کیٹل مارکیٹ میں مویشیوں کیلئے20بڑے شیڈ بنائے گئے۔ماڈل کیٹل مارکیٹ میں پہلی مرتبہ جانوروں کے شیڈمیں پنکھے بھی لگائے گئے۔ماڈل کیٹل مارکیٹ میں مویشیوں کووبائی امراض سے بچانے کیلئے قرنطینہ سنٹر بھی بنایا گیا جبکہ بیوپاریوں کیلئے 20 بڑے رہائشی کمرے بھی بنائے گئے۔

(جاری ہے)

دوران بریفنگ وزیراعلیٰ مریم نواز کومزید بتایا گیا کہ ماڈل کیٹل مارکیٹ میں وسیع پارکنگ، پولیس چوکی اور وسیع وعریض اوپن ایریا بھی موجود ہے۔

ماڈل کیٹل مارکیٹ میں اکشن بے بھی قائم کیا گیا ہے اور جدید ترین سلاٹر ہاو¿س بھی موجود ہے۔ پنجاب کی دوسری بڑی ماڈل کیٹل مارکیٹ جھنگ میں بنائی جائے گی۔بریفنگ میں کہا گیا کہ شاہ پور کانجراں ماڈل کیٹل مارکیٹ میں مسجد، واش روم، ویٹرنری کلینک، ٹک شاپ، بنک اور اے ٹی ایم بھی ہو گی، مویشیوں کی نقل و حمل میں آسانی کیلئے لوڈنگ، ان لوڈنگ بے اور ٹرک سینٹر بھی موجود ہیں۔

مویشیوں کی نقل و حمل میں آسانی کے لئے لوڈنگ، ان لوڈنگ بے اور ٹرک سینٹر بھی موجود ہیں۔سی ای او تاثر احمد نے بتایا کہ لاہور مویشی منڈی شاہ پور کانجراں کی بولی میں رواں سال کروڑوں روپے کا نقصان بھی ہوا، لاہور مویشی منڈی کا سالانہ ٹھیکہ گزشتہ سال کی نسبت کم ہوگیا، لاہور مویشی منڈی شاہ پور کانجراں کے ٹھیکے میں 49 کروڑ روپے کا نقصان ہوا۔ گزشتہ سال 1 ارب 99 کروڑ جبکہ اس سال ٹھیکہ کم ہو کر 1 ارب 50 کروڑ روپے میں دیا گیا ہے۔ وزیراعلیٰ پنجاب مریم نواز نے ماڈل کیٹل مارکیٹ پروجیکٹ میں نمایاں کارکردگی کا مظاہرہ کرنے پر شیلڈیں بھی دیں۔