Live Updates

پاکستانی قوم کا سر اللہ تعالیٰ کے سوا کسی کے آگے نہیں جھکے گا ، یوم تکبیر مبارک، وزیر مملکت برائے ریلویز بلال اظہر کیانی کا ٹویٹ

بدھ 28 مئی 2025 16:39

اسلام آباد (اُردو پوائنٹ اخبارتازہ ترین - اے پی پی۔ 28 مئی2025ء) وزیر مملکت برائے ریلویز بلال اظہر کیانی نے کہا ہے کہ پاکستانی قوم کا سر اللہ تعالیٰ کے سوا کسی کے آگے نہیں جھکے گا ، یوم تکبیر مبارک، 28 مئی 1998 کے ایٹمی دھماکوں کو 27 سال گزر گئے۔

(جاری ہے)

یوم تکبیر کے موقع پر بدھ 28 مئی کو وزیر مملکت نے سماجی رابطوں کی ویب سائٹ پر اپنی ایک پوسٹ میں کہا کہ 10 مئی 2025 کے معرکہ حق نے پھر ثابت کر دیا کہ پاکستانی قوم کا سر اللہ تعالیٰ کے سوا کسی کے آگے نہیں جھکے گا۔

انہوں نے قائد محمد نواز شریف کو سلام پیش کرتے ہوئے کہا کہ انہوں نے کسی دباؤ کی پرواہ نہ کی اور پاکستان کا دفاع ناقابل تسخیر بنایا۔ بلال اظہر کیانی نے تحریر کیا کہ ایٹمی پروگرام کے تمام ہیروز اور قوم کو سلام جنہوں نے وطن کی عزت، آزادی اور وقار کے لئے ہر قربانی دی۔