Live Updates

قومی جونیئر ٹیم ایشین جونیئر گرلز نیٹ بال چیمپئن شپ میں شرکت کرے گی، مدثر آرائیں

بدھ 28 مئی 2025 17:02

اسلام آباد (اُردو پوائنٹ اخبارتازہ ترین - اے پی پی۔ 28 مئی2025ء) پاکستان نیٹ بال فیڈریشن کے چیئرمین مدثر آرائیں نے کہا ہے کہ قومی جونیئر ٹیم ایشین جونیئر گرلز نیٹ بال چیمپئن شپ میں شرکت کرے گی۔

(جاری ہے)

ایشین جونیئر نیٹ بال چیمپئن شپ 27 جون سے 4 جولائی تک کوریا میں کھیلی جائے گی جس میں 12 ایشیائی ممالک کی ٹیموں کی خواتین کھلاڑی حصہ لیں گی جن کو دو گروپوں میں تقسیم کیا گیا ہے۔ پاکستان کو گروپ بی میں تائیوان، جاپان، میزبان کوریا، مالدیپ اور سعودی عرب کے ساتھ رکھا گیا ہے جبکہ گروپ اے میں ملائیشیا، سنگاپور، سری لنکا، ہانگ کانگ، بھارت اور برونائی کی ٹیمیں شامل ہیں۔ انہوں نے کہا کہ قومی نیٹ بال ٹیم مضبوط تیار کی جائے گی۔