Live Updates

پاکستان سمیت دنیا بھر میں آلو کا عالمی دن(کل)منایا جائے گا

جمعرات 29 مئی 2025 13:42

مکوآنہ (اُردو پوائنٹ اخبارتازہ ترین - این این آئی۔ 29 مئی2025ء)پاکستان سمیت دنیا بھر میں آلو کا عالمی دن(کل) 30مئی کو منایا جائے گا اقوام متحدہ کی جنرل اسمبلی نے 2023ء میںہر سال تیس مئی کو آلو کا عالمی دن منانے کا اعلان کیا تھا۔

(جاری ہے)

آلو کا شمار دنیا میں سب سے زیادہ استعمال ہونے والی پانچ غذائی اشیاء میں ہوتا ہے آلو وہ سبزی ہے جو کہ ہر گھر میں پکائی جاتی ہے۔آلو کا دن منانے کا مقصد غربت اور بھوک سے نمٹنے کیلئے اس فصل کی اہمیت اور ماحولیاتی خطرات سے زرعی اجناس کو درپیش خطرات کو اجاگر کرنا ہے۔ واضح رہے کہ پاکستان دنیا بھر میں آلو پیدا کرنے والے ممالک میں 9ویں نمبر پر ہے۔