بھارتی فضائیہ کے سربراہ اے پی سنگھ نے بھارتی دفاعی معاہدوں میں کرپشن کا بھانڈاپھوڑ دیا

 نئی دہلی(اردوپوائنٹ اخبار تازہ ترین۔30 مئی 2025)بھارتی فضائیہ کے سربراہ اے پی سنگھ نے بھارتی دفاعی معاہدوں میں کرپشن کا بھانڈا پھوڑتے ہوئے کہا ہے کہ دفاعی معاہدے ہوتے ہیں مگر ہتھیار نہیں آتے،بھارتی ائیر چیف اے پی سنگھ نے سنسنی خیز انکشافات کرتے ہوئے دفاعی خریداری کا حیران کن فارمولا بتاتے ہوئے کہا کہ بعد میں دیکھیں گے کیا کرنا ہے، ہر منصوبہ تاخیر کا شکار ہے اور ایسا کوئی پروجیکٹ نہیں جو آج تک وقت پر مکمل ہوا ہو، دفاعی معاہدے تو ہوتے ہیں، مگر ہتھیار نہیں آتے!، بھارتی ایئر چیف کے تہلکہ خیز بیان نے دفاعی معاہدوں کی کرپشن کا راز فاش کر دیا،اے پی سنگھ کا کہنا ہے کہ آپریشن سندور نے دفاعی قیادت کو جھنجھوڑ کر رکھ دیا ہے۔

آپریشن سندور نے واضح کر دیا ہے کہ جنگ کی نوعیت اور حکمت عملی بدل رہی ہے۔

(جاری ہے)

انہوں نے کہا کہ ٹائم لائن کا جنازہ نکل چکا ہے، کوئی بھی دفاعی پروجیکٹ کبھی بھی وقت پر مکمل نہیں ہوا۔ ہم جانتے ہیں کچھ سسٹمز کبھی آئیں گے ہی نہیں پھر بھی معاہدے کرتے ہیں!۔ایئر چیف اے پی سنگھ نے سوال کیا کہ جو وعدے پورے نہیں ہونے، وہ کیوں کرتے ہیں؟۔ایئر چیف اے پی سنگھ نے سوال کیا کہ جو وعدے پورے نہیں ہونے، وہ کیوں کرتے ہیں؟۔

یاد رہے کہ اس سے قبل بھی کانگریس ایم ایل اے کا کہنا تھا کہ پاکستان نے سستے ڈرونز بھارت بھیجے تھے۔ بھارت نے اربوں جھونک دئیے، چین نے پاکستان کو 5 ہزار ڈرونز دے کر بھارت کی کمزوری بے نقاب کر دی تھی جبکہ مودی سرکار اربوں جھونکتی رہی تھی۔کانگریس رہنما نے بھارت کی عبرتناک شکست تسلیم کرلی تھی۔ بھارت کی ذلت آمیز شکست پر کانگرس ایم ایل اے وجے واڈیٹیوار نے مودی اور بھارتی فوج پر تابڑ توڑ حملے کر دئیے تھے۔

کانگریس رہنما نے عبرتناک انجام کا اعتراف کرتے ہوئے مودی سرکار کی پالیسیوں کا بھانڈا پھوڑ دیاتھا۔کانگریس کے ایم ایل اے وجے واڈیٹیوار نے مہنگی دفاعی خریداری اور بوسیدہ حکمت عملی کو آڑے ہاتھوں لیتے ہوئے مودی سرکار پر زوردار وار کیا تھا اور انہوں نے مودی کی جنگی سوچ کو ناکام قرار دے دیاتھا۔ان کا کہنا تھا کہ مودی سرکار نے 15 ہزار کے ڈرون گرانے کیلئے 15 لاکھ کا میزائل فائر کیاتھا۔

مودی سرکار کی جنگی حکمت عملی مکمل طور پر ناکام اور 5 ہزار سستے پاکستانی ڈرونز کے سامنے بھارتی دفاع بے بس ثابت ہوگیا تھا۔ کانگریس رہنما نے بھارت کی پاکستان کے ہاتھوں بدترین شکست کو مودی سرکار کی ناکامی قرار دیتے ہوئے کہا تھا کہ پاکستان نے کم لاگت میں حملہ کیا جبکہ بھارت نے عوام کے ٹیکس کا پیسہ بے دریغ ضائع کیا تھا۔ کاگنریس ایم ایل اے کایہ بھی کہنا تھا کہ پاکستان نے بھارت کے 3 سے 4 رافیل طیارے تباہ کر دئیے تھے مگر مودی سرکار کی مجرمانہ خاموشی بدستور برقرار تھی۔

انہوں نے مودی پر کڑی تنقید کرتے ہوئے سوال اٹھایا تھاکہ رافیل سودے پر نعرے تھے، اب نقصان چھپایا کیوں جا رہا ہے؟۔یاد رہے کہ قبل ازیں بھی سابق بھارتی وزیر خارجہ یشونت سنہا نے پہلگام حملے میں پاکستان کو کلین چٹ دیدی تھی۔سابق بھارتی وزیر خارجہ کے آپریشن سندور کی ناکامی پر ہوشربا انکشافات منظر عام پر آ گئے تھے۔یشونت سنہا نے آپریشن سندور کی ناکامی پر نریندرمودی، امت شاہ ، جے شنکر اوراجیت دووال سے سفارت کاری اور انٹیلی جنس کی ناکامی پر مستعفی ہونے کا مطالبہ کیا تھا۔

میڈیا رپورٹس کے مطابق سابق بھارتی وزیر خارجہ یشونت سنہا نے ایک انٹرویو میں پہلگام ڈرامے کو مودی کی سازش قرار دیتے ہوئے کہاتھا کہ یہ حملہ بہار کا الیکشن جیتنے کیلئے کروایا گیا تھا۔ ہمارے وزیر خارجہ ہمیں کیوں نہیں بتاتے کہ حالیہ جنگ میں کتنا نقصان ہوا ہے؟۔یشونت سنہا کے مطابق مودی حکومت گودی میڈیا کے ذریعے آپریشن سندور کی ناکامی چھپانے کیلئے گمراہ کن پروپیگنڈا کررہی تھی۔