Live Updates

پاکستان کا بٹ کوائن ریزرو کا اعلان، بھارت میں کھلبلی

پاکستان امریکا کے ساتھ مل کر بٹ کوائن پر بڑی بازی کھیل رہا ہے،بھارتی تجزیہ کار

جمعہ 30 مئی 2025 13:33

پاکستان کا بٹ کوائن ریزرو کا اعلان، بھارت میں کھلبلی

نئی دہلی (اُردو پوائنٹ اخبارتازہ ترین - این این آئی۔ 30 مئی2025ء)پاکستان کے بٹ کوائن ریزرو کے قیام کے اعلان پر بھارت میں کھلبلی مچ گئی، بھارتی تجزیہ کاروں نے مودی حکومت کو کرپٹو کی دنیا میں امریکا اور پاکستان کے درمیان بڑھتے تعاون پر نظر رکھنے کا مشورہ دے دیا۔

(جاری ہے)

میڈیارپورٹس کے مطابق بھارتی تجزیہ کار نے لکھا کہ پاکستان کرپٹو کے ذریعے امریکا کے ساتھ دوبارہ تعلقات مضبوط بنارہا ہے، حال ہی میں امریکی صدر ٹرمپ سے منسوب ورلڈ لبرٹی فنانشل کارپوریشن اور پاکستان کے درمیان مفاہمتی یاداشت پر دستخط ہوئے، جس میں پاکستان کو کرپٹو حب بنانے کا خاکہ پیش کیا گیا۔

تجزیہ کار کے مطابق بھارت کو اسے غیر اہم سمجھ کر نظر انداز نہیں کرنا چاہیے۔ایک بھارتی تجزیہ کار نے لکھاکہ پاکستان کرپٹو کے ذریعے بھارت کے خلاف طویل مدتی جنگ کیلیے اپنے آپ کو مضبوط کررہا ہے، جبکہ ایک نے لکھا کہ پاکستان امریکا کے ساتھ مل کر بٹ کوائن پر بڑی بازی کھیل رہا ہے، بھارت کو اس میدان میں جلد اترنا چاہیے۔